• 1 Samiɛli 16:7
    Ɲanmiɛn Ndɛ’n—Mɛn Uflɛ Biblu’n

    • 7 Sanngɛ Zoova seli Samiɛli kɛ: “Nán fa ɔ ɲin sie i i sran waka’n annzɛ i tɛnndɛn m’ɔ ti’n su.+ Nɛ́n i yɛ n fɛli i-ɔ. Afin wafa nga klɔ sran wun ninnge mun’n, ɔ nin Ɲanmiɛn liɛ’n timan kun. Afin klɔ sran liɛ’n, like nga i ɲinma tɛ i’n yɛ ɔ nian-ɔn. Sanngɛ Zoova liɛ’n, ɔ nian sran’n i awlɛn’n nun.”+

  • 1 Be Ɲoliɛ 28:9
    Ɲanmiɛn Ndɛ’n—Mɛn Uflɛ Biblu’n

    • 9 “Min wa Salomɔn, kplin ɔ ɲin naan si ɔ si i Ɲanmiɛn’n kpa. Fa ɔ awlɛn’n kwlaa su i,+ yɛ maan i sulɛ’n yo ɔ fɛ. Afin Zoova niannian sran’m be kwlaa be awlɛn’n nun.+ Ɔ wun akunndan kwlaa nga be bu’n i wlɛ.+ Sɛ a kunndɛ i’n, ɔ́ yó maan á wún i.+ Sanngɛ sɛ a kpɔci i’n, ɔ́ yí ɔ blo mlɔnmlɔnmlɔn.+

  • Zeremin 11:20
    Ɲanmiɛn Ndɛ’n—Mɛn Uflɛ Biblu’n

    • 20 Sanngɛ Zoova m’ɔ ti sonja’m be su kpɛn’n, ɔ di jɔlɛ mun nanwlɛ su.

      Ɔ niannian be klun akunndan ng’ɔ ti fiawa kpa’n* ɔ nin be awlɛn’n be nun.+

      Kɛ á wá tú ɔ klunngbɔ’n be su’n, yo maan ɔ yo min ɲrun.

      Afin n fali min ndɛ liɛ’n n wlali ɔ sa nun.