11 Aza kpan flɛli Zoova m’ɔ ti i Ɲanmiɛn’n.+ Ɔ seli i kɛ: “Zoova, be nga ɔ waan á úka be’n, sɛ be sɔnnin-o, sɛ be leman wunmiɛn-o, be ukalɛ’n timan kekle ɔ sa nun.+ Zoova, e Ɲanmiɛn, uka e. Afin e fali e wla’n e guali* ɔ su.+ Yɛ ɔ dunman nun yɛ e bali naan e nin sran kpanngban nga mun é kún-ɔn.+ Zoova, a ti e Ɲanmiɛn. Nán tran lɛ naan klɔ sran m’ɔ kwla wu’n i fanngan’n tra ɔ liɛ’n.”+

5 I sin’n, Zozafati jaso jrannin Zidafuɛ mun nin Zerizalɛmunfuɛ mɔ be yiali lɛ’n be ɲrun lɛ. Kɛ ɔ́ yó sɔ’n, nn be o Zoova i sua’n nun lɔ awlo’n i klun uflɛuflɛ’n i ɲrun lɛ. 6 Kpɛkun ɔ seli kɛ:

“Zoova, wɔ mɔ a ti e nannan’m be Ɲanmiɛn’n, ɔ kunngba cɛ yɛ a ti Ɲanmiɛn nglo lɔ-ɔ.+ ?A nunman nvlenvle’m be kwlaa be ti su?+ Ɔ sa nun yɛ tinmin’n nin wunmiɛn’n be o-ɔ. Sran fi kwlá jranman ɔ ɲrun.+