10 Sanngɛ b’a fuanman Kanaanfuɛ nga be tran Gezɛɛ lɔ’n.+ Ɔ maan andɛ nin andɛ’n, Kanaanfuɛ’m be te tran Efraimunfuɛ’m be afiɛn,+ be miannin be kɛ be di junman man be.+

17 Salomɔn kali aofuɛ nga be tran Izraɛli nvle’n nun’n be nun yasua’m be kwlaa,+ kɛ nga i si Davidi fa yoli i laa’n sa.+ Aofuɛ sɔ’m be ti akpiakpi ya akpiakpi ablenun-nin-nsan ya nsiɛn (153.600). 18 Ɔ fali be nun sran akpiakpi ableso (70.000) naan be di junman,* yɛ sran akpiakpi ablaɔcuɛ (80.000) naan be sɛ yɔbuɛ+ oka’m be su, yɛ ɔ sieli be nun akpi nsan ya nsiɛn (3.600) kɛ be nian junman’n su naan be man sran’m be junman.+