16 Asa ekun’n, Salomɔn le junman sunianfuɛ+ akpi nsan ya nsan (3.300). Be yɛ be nian junman difuɛ’m be su-ɔ.

22 Sanngɛ Salomɔn w’a faman Izraɛlifuɛ wie fi w’a yoman kanga.+ Afin wie’m be ti i sonja, wie’m be ti i sonja’m be su kpɛn,* wie’m be ti i kakaklolo mun nin i nnɛn kpanngɔ su fufuɛ’m be su kpɛn.

17 Salomɔn kali aofuɛ nga be tran Izraɛli nvle’n nun’n be nun yasua’m be kwlaa,+ kɛ nga i si Davidi fa yoli i laa’n sa.+ Aofuɛ sɔ’m be ti akpiakpi ya akpiakpi ablenun-nin-nsan ya nsiɛn (153.600). 18 Ɔ fali be nun sran akpiakpi ableso (70.000) naan be di junman,* yɛ sran akpiakpi ablaɔcuɛ (80.000) naan be sɛ yɔbuɛ+ oka’m be su, yɛ ɔ sieli be nun akpi nsan ya nsiɛn (3.600) kɛ be nian junman’n su naan be man sran’m be junman.+