12 Ninnge kwlaa nga Ɲanmiɛn fa kleli i aolia nun m’ɔ jɛjɛli i fluwa su’n, ɔ fa mɛnnin i. Wafa nga be ko kplan Zoova i sua’n i awlo klun mun’n,+ nin sua ba nga be bo sin yiɛ i mɔ be nun yɛ be di like’n, nin Ɲanmiɛn Kpli i sua’n nun ninnge’m be siewlɛ mun, nin ninnge nga be yoli be sanwun’n*+ be siewlɛ mun’n, ɔ klekleli i.

15 Asa ekun’n, ɔ kleli kannin siewlɛ nga sika ɔkwlɛ yɛ be fa yoli’n+ nin be su kannin mɔ sika ɔkwlɛ yɛ be fa yoli’n, be nɔnninnɔnin’n i nuan. Ɔ kleli kannin siewlɛ fanunfanun mun nin be su kannin mun, nin kannin siewlɛ nga sika yɛ be fa yoli’n, be nɔnninnɔnnin’n i nuan. Like nga be fa kannin siewlɛ kun nin i su kannin’m be yo’n, i su yɛ ɔ niannin naan w’a klekle i sɔ liɛ’n niɔn.