ƐNTƐNƐTI SU FLUWA SIEWLƐ Watchtower

ƐNTƐNƐTI SU FLUWA SIEWLƐ Watchtower

ƐNTƐNƐTI SU FLUWA SIEWLƐ

Zɔbu 12:6

Ɲanmiɛn Ndɛ’n—Mɛn Uflɛ Biblu’n
- 6 Awiefuɛ’m be tannin sua’m be bo ti fɔuun,+
  yɛ be nga be klɔklɔ Ɲanmiɛn’n, be o be olɛ lɛ diin,+
  be sɔfuɛ’m be amuin’m be o be sa nun.

Jue Mun 37:7

Ɲanmiɛn Ndɛ’n—Mɛn Uflɛ Biblu’n
- 7 Tran diin Zoova ɲrun,+
  yɛ tran minndɛ i.
  
  Sran ng’ɔ sunnzun sa tɛ’n, m’ɔ yo ye’n,
  nán fɛ i wun ya.+

Jue Mun 73:3

Ɲanmiɛn Ndɛ’n—Mɛn Uflɛ Biblu’n
- 3 Afin kɛ n wun aunjɔɛ nga klunwifuɛ’m be di’n,+
  min ɲin bloli wun tufuɛ’m* be wun.

Jue Mun 73:12

Ɲanmiɛn Ndɛ’n—Mɛn Uflɛ Biblu’n
- 12 Nanwlɛ, kɛ klunwifuɛ mɔ like fi kleman be yalɛ’n be ti sɔ-ɔ.+
  
  Yɛ be aɲanbeun’n yo dan kɔ i ɲrun titi.+

Zeremin 12:1

Ɲanmiɛn Ndɛ’n—Mɛn Uflɛ Biblu’n
- 12 Ee Zoova, kɛ n fa min ndɛ’n n kɔ ɔ ja su’n,
  kɛ e nin wɔ e koko jɔlɛ dilɛ ndɛ’n i su yalɛ’n, a yo sa’n i nuan su.+
  ?Ngue ti yɛ klunwifuɛ’m be ninnge’m be yo ye be sa nun-ɔn?+
  ?Yɛ ngue ti yɛ gblɛfuɛ’m be kokoman-ɔn?