ƐNTƐNƐTI SU FLUWA SIEWLƐ Watchtower

Zɔbu 34:11

Ɲanmiɛn Ndɛ’n—Mɛn Uflɛ Biblu’n
- 11 Afin like nga sran kun yo’n i nuan su like yɛ ɔ fa tuɛ i kalɛ-ɔ,+
  yɛ sran kun i bɔbɔ i ayeliɛ’n i sin sa’n yɛ ɔ fa yi i su-ɔ.

Ɲanndra Mun 24:12

Ɲanmiɛn Ndɛ’n—Mɛn Uflɛ Biblu’n
- 12 ?Sɛ a se kɛ: “E siman sɔ-o,”
  sran ng’ɔ nian sran’m be awlɛn’n nun’n,* ɔ wunman akunndan nga a bu’n i wlɛ?+
  Nanwlɛ, Sran nga i ɲin ta wɔ’n, ɔ́ sí nun,
  yɛ like nga sran kun yoli’n, i su yɛ ɔ́ nían ɔ́ tánnin i kalɛ-ɔ.+

2 Korɛntifuɛ Mun 5:10

Ɲanmiɛn Ndɛ’n—Mɛn Uflɛ Biblu’n
- 10 Afin e kwlaa é jrán Klisi’n i jɔlɛ diwlɛ’n i ɲrun naan sa nga e tinuntinun e fali e wunnɛn nga e yoli’n, sɛ ɔ ti kpa-o, sɛ ɔ ti tɛ-o,* e ɲɛn i nuan like.+

Galasifuɛ Mun 6:7

Ɲanmiɛn Ndɛ’n—Mɛn Uflɛ Biblu’n
- 7 Nán amun laka amun wun: Be kwlá yoman Ɲanmiɛn i finfin. Afin like nga sran kun lua’n, yɛ ɔ́ tí-ɔ.+

2 Timote 4:14

Ɲanmiɛn Ndɛ’n—Mɛn Uflɛ Biblu’n
- 14 Alɛzandri m’ɔ ti aaba bofuɛ’n, ɔ yoli min sa tɛ dan kun. Sa ng’ɔ yoli i lɛ’n, Zoova* wá yí mɛ́n i.+

Sa Nglo Yilɛ 20:12, 13

Ɲanmiɛn Ndɛ’n—Mɛn Uflɛ Biblu’n
- 12 N wunnin be nga be wuli’n. Be nga be le ɲrun-o, be nga be leman ɲrun-o, n wunnin be. Be jinjin famiɛn bia’n i ɲrun lɛ, kpɛkun be tikeli fluwa wie’m be su. Be tikeli fluwa kun ekun su, nguan fluwa’n niɔn.+ Ndɛ ng’ɔ o fluwa sɔ’m be nun’n nin be nga be wuli’n be ayeliɛ’n, be su yɛ be niannin be dili be jɔlɛ-ɔ.+ 13 Be nga be wuli mɔ be o jenvie’n nun’n, jenvie’n yili be mannin. Be nga be wuli mɔ be o wie’n i sa nun’n, wie’n yili be mannin. Yɛ be nga be wuli mɔ be o Ndia’n* nun’n, ɔ yili be mannin. Kpɛkun like nga sran kun yoli’n, i su yɛ be niannin be dili i jɔlɛ-ɔ.+

Sa Nglo Yilɛ 22:12

Ɲanmiɛn Ndɛ’n—Mɛn Uflɛ Biblu’n
- 12 “‘Nian! N su kan min wun n ba. Like nga ń fá túa sran’m be kalɛ’n, ɔ o min sa nun. Ɔ maan junman nga sran kun dili’n, i su yɛ ń nían ń túɛ i kalɛ-ɔ.+