9 Kɛ Ezekiasi kacili famiɛn’n i afuɛ nnan su’n, Salimanazaa m’ɔ ti Asiri famiɛn’n fali alɛ wlali Samarifuɛ’m be sin, ɔ boli nanmue Samari klɔ’n i sin lɛ.+ Kɛ ɔ́ yó sɔ’n, nn Ela i wa Oze+ kacili Izraɛli famiɛn w’a di afuɛ nso.

24 Zozakimun blɛ su’n, Nebikadnezaa+ m’ɔ ti Babilɔnin famiɛn’n fali alɛ wlali Zozakimun sin. Ɔ maan Zozakimun suli i afuɛ nsan. Sanngɛ ɔ wa jasoli i wun, ɔ yoli ɲin kekle i su.

25 Kɛ Sedesiasi kacili famiɛn’n i afuɛ ngwlan su’n, i anglo blu’n i cɛn ba blu’n su’n, Nebikadnezaa+ m’ɔ ti Babilɔnin famiɛn’n, ɔ nin i sonja mun be bali kɛ be nin Zerizalɛmunfuɛ’m bé kún.+ Ɔ boli nanmue klɔ’n i sin lɛ, kpɛkun ɔ kplannin talɛ bo sin yiali klɔ’n.+

32 Kɛ Ezekiasi yoli sa kpakpa sɔ mun’n,+ i sin’n, Sankeribu m’ɔ ti Asiri famiɛn’n wluli Zida nvle’n nun. Ɔ wa boli i nanmue klɔ nga be sisili be wun’n be wun lɛ naan ɔ́ búbú be wun talɛ mun naan ɔ́ útu be.+

39 Kɛ Sedesiasi kacili Zida famiɛn’n i afuɛ ngwlan su’n, i anglo blu su’n, Nebikadnezaa* m’ɔ ti Babilɔnin famiɛn’n nin i sonja’m be kwlaa be bali Zerizalɛmun lɛ. Kpɛkun be bo sin yiali klɔ’n.+