ƐNTƐNƐTI SU FLUWA SIEWLƐ Watchtower

Jue Mun 33:3

Ɲanmiɛn Ndɛ’n—Mɛn Uflɛ Biblu’n
- 3 Amun to jue uflɛuflɛ kun be mɛnmɛn i.+
  
  Amun bo miziki bolɛ ninnge’m be kpa, yɛ amun kpan aklunjɔɛ su.

Jue Mun 96:1

Ɲanmiɛn Ndɛ’n—Mɛn Uflɛ Biblu’n
- 96 Maan amun to jue uflɛuflɛ kun be manman Zoova.+
  
  Asiɛ’n sufuɛ’m be kwlaa, amun to jue be manman Zoova!+

Ezai 42:10

Ɲanmiɛn Ndɛ’n—Mɛn Uflɛ Biblu’n
- 10 Amun mɔ amun wlanwlan jenvie’n su’n, ɔ nin ninnge kwlaa nga be o nun’n,
  lika mɔ nzue bo sin yia be’n, ɔ nin be nga be tran lɔ’n,+
  maan amun to jue uflɛuflɛ kun be manman Zoova,+
  maan amun mɛnmɛn i asiɛ’n i tiwa lɔ.+

Sa Nglo Yilɛ 5:9

Ɲanmiɛn Ndɛ’n—Mɛn Uflɛ Biblu’n
- 9 Be to jue uflɛuflɛ kun+ se kɛ: “Wɔ yɛ a le atin fa fluwa’n niɔn. Yɛ wɔ yɛ a le atin tutu ninnge nga be fa trɛli i nuan’n i ase’n niɔn. Afin be kunnin wɔ, yɛ a fali ɔ mmoja’n toli sran mɔ be fin akpasuaakpasua kwlaa su’n, mɔ be kan aniɛn wafawafa kwlaa’n, mɔ be fin nvlenvle kwlaa nun’n, ɔ nin mɛnmɛn kwlaa nun’n+ mannin Ɲanmiɛn.+