11 Aza kpan flɛli Zoova m’ɔ ti i Ɲanmiɛn’n.+ Ɔ seli i kɛ: “Zoova, be nga ɔ waan á úka be’n, sɛ be sɔnnin-o, sɛ be leman wunmiɛn-o, be ukalɛ’n timan kekle ɔ sa nun.+ Zoova, e Ɲanmiɛn, uka e. Afin e fali e wla’n e guali* ɔ su.+ Yɛ ɔ dunman nun yɛ e bali naan e nin sran kpanngban nga mun é kún-ɔn.+ Zoova, a ti e Ɲanmiɛn. Nán tran lɛ naan klɔ sran m’ɔ kwla wu’n i fanngan’n tra ɔ liɛ’n.”+

12 ?E Ɲanmiɛn, a su tuman be fɔ?+ E leman wunmiɛn sran kpanngban nga b’a ba kɛ be nin e kún’n be ɲrun. E siman like nga é yó’n.+ Sanngɛ e ɲin ta ɔ ɲrun.”+

8 I liɛ’n, klɔ sran fanngan su yɛ ɔ lafi-ɔ. Sanngɛ e liɛ’n, Zoova m’ɔ ti e Ɲanmiɛn’n yɛ ɔ suan e bo-ɔ. I yɛ ɔ kun e alɛ mun man e-ɔ.”+ Ndɛ nga Ezekiasi m’ɔ ti Zida famiɛn’n kannin’n ɔ wlali sran’m be fanngan.+