ƐNTƐNƐTI SU FLUWA SIEWLƐ Watchtower

Neemin 6:16

Ɲanmiɛn Ndɛ’n—Mɛn Uflɛ Biblu’n
- 16 Kɛ e kpɔfuɛ’m be tili ndɛ sɔ’n cɛ’n, mɔ nvlenvle nga be o e wun lɛ’n be wunnin talɛ’n, ɲannzuɛn dan kpa kunnin be.+ Yɛ be wunnin i wlɛ kɛ e Ɲanmiɛn’n ukali e ti yɛ e kwla dili junman sɔ’n niɔn.

Ezai 41:11

Ɲanmiɛn Ndɛ’n—Mɛn Uflɛ Biblu’n
- 11 Nian! Be kwlaa nga be fa ya ɔ wun’n, ɲannzuɛn kún be, yɛ be ɲin gúa ase,+
  be nga be nin wɔ be kun’n be liɛ wíe, bé núnnún be.+

Zeremin 20:11

Ɲanmiɛn Ndɛ’n—Mɛn Uflɛ Biblu’n
- 11 Sanngɛ Zoova liɛ’n, ɔ jin min sin kɛ safuɲrɛn sroesroe kun sa.+
  I sɔ’n ti’n, be nga be kle min yalɛ’n be su ɲanman jranwlɛ, bé tɔ́.+
  Ɲannzuɛn dan kpa kún be, afin like nga be guguli kɛ bé yó’n ɔ́ kpí ase.
  Bé wún ɲannzuɛn sɔ tititi, yɛ be wla su fiman su le.+