21 Yɛ ɔ seli kɛ: “Ń wá fá min wa bla’n ń mɛ́n i naan ń fá súɛ i aya. I liɛ’n, Filistifuɛ mun yɛ bé kún i-ɔ.”+ Ɔ maan Saili wa seli Davidi ekun kɛ: “Andɛ’n, á káci min sia.”

25 Yɛ Saili seli kɛ: “Amun se Davidi kɛ yoo: ‘Famiɛn’n w’a seman kɛ a man like naan w’a ja bla’n.+ Ɔ kunndɛ kɛ ɔ́ tú i klunngbɔ i kpɔfuɛ’m be su. Ɔ maan i waan a fa Filistifuɛ’m be yasua lika’n i ti kplo ya kun (100)+ blɛ i.’” Saili waan ɔ́ yó sɔ naan Filistifuɛ’m be kun Davidi.