35 Sran kpa’n, ɔ yi like kpa i ninnge kpakpa’m be nun fite. Sran tɛ’n kusu’n, ɔ yi like tɛ i ninnge tɛtɛ’m be nun fite.+

29 Nán ndɛ tɛ* fi sa fin amun nuan fite,+ sanngɛ maan ndɛ kpa ngunmin yɛ ɔ fin amun nuan fite-ɔ, naan ɔ wla sran fanngan blɛ ng’ɔ ti i nuan su’n nun, yɛ ɔ yo be nga be ti’n be ye.+

6 Maan ndɛ ng’ɔ fin amun nuan fite’n, ɔ yo fɛ kɛ b’a gua nun njin sa titi.+ I liɛ’n, amún sí wafa ng’ɔ fata kɛ amun tɛ sran kwlaa su’n.+