• Mmla’n 16:14
    Ɲanmiɛn Ndɛ’n—Mɛn Uflɛ Biblu’n

    • 14 Maan amun nin amun mma yasua mun, nin amun mma bla mun, nin amun kanga yasua mun, nin amun kanga bla mun, nin Levifuɛ mun, nin aofuɛ nga be tran amun afiɛn’n, nin ba nga be leman si’n, nin angbeti bla nga be tran amun klɔ’m be su’n, amun di aklunjɔɛ amun cɛn dilɛ blɛ’n nun.+

  • Mmla’n 16:16
    Ɲanmiɛn Ndɛ’n—Mɛn Uflɛ Biblu’n

    • 16 “Afuɛ kwlakwla’n, maan yasua’m be kwlaa be ko jran Zoova ɲrun kpɛ nsan lika ng’ɔ́ klé’n nun. Kɛ bé dí Kpanwun mɔ Levii Nunman nun’n i ti Cɛn’n,+ nin Lemɔcuɛ’m be ti Cɛn’n,+ nin Kpata Bo Tranlɛ Cɛn’n,+ maan be wɔ. Nán maan be nun kun sa fɛ i sa ngbɛn bla Zoova ɲrun.

  • 2 Be Ɲoliɛ 30:23, 24
    Ɲanmiɛn Ndɛ’n—Mɛn Uflɛ Biblu’n

    • 23 I sin’n, be kwlaa nga be yiali lɛ’n, be nuan sɛli su kɛ bé fá cɛn ba nso ekun bé dí cɛn sɔ’n. Ɔ maan be fali cɛn ba nso ekun be dili cɛn sɔ’n aklunjɔɛ su.+ 24 Ezekiasi m’ɔ ti Zida famiɛn’n mannin be nga be yiali lɛ’n be nannin tola akpi kun (1.000) nin bua akpi nso (7.000). Kpɛkun nvle’n nun sran dandan’m be mannin be nannin tola akpi kun (1.000) ɔ nin bua akpiakpi blu (10.000).+ Kɛ ɔ́ yó sɔ’n, nn Ɲanmiɛn ɲrun jranfuɛ kpanngban kpa bé yó be wun sanwun.+