8 Sanngɛ wunnzue yifuɛ sɔ’n mɔ be flɛ i ekun kɛ Elimasi’n (i bo’n yɛle “wunnzue yifuɛ”) ɔ tanndannin be ɲrun. I waan ɔ́ yó sɔ naan klɔ dan su kpɛn’n* w’a lafiman e Min’n su. 9 Ɔ maan Ɲanmiɛn wawɛ’n jrali Sɔlu mɔ be flɛ i ekun kɛ Pɔlu’n i su. Kpɛkun ɔ niannin Elimasi siin, 10 naan w’a se kɛ: “Gblɛ’n i wafawafa’n kwlaa nin sa tɛtɛ’n kwlaa b’a yi wɔ piɛ. A ti Suɛn Tɔnfuɛ’n i wa.+ A kpɔ ninnge kwlaa nga be ti kpa’n. ?Ngue ti yɛ ninnge nga Zoova* siesie be sɛsɛ’n, a yaciman be sacilɛ-ɔ?