25 Zoova waan yoo: “Amun nian! Blɛ kun wá jú’n ń úsa be kwlaa nga be wlali be klɛn’n, kusu nn b’a wlaman be klɛn’n,+ 26 nin Ezipti,+ nin Zida,+ nin Edɔmun,+ nin Amɔnfuɛ mun,+ nin Moabu,+ ɔ nin be kwlaa nga be kpɛkpɛli be srɔ su ndrɛ mɔ be tran aawlɛ flɛnnɛn’n nun lɔ’n be sa.+ Afin nvlenvle’m be kwlaa be ti kɛ sran mɔ b’a wlaman be klɛn’n sa. Yɛ Izraɛlifuɛ’m be kwlaa be ti kɛ sran mɔ b’a wlaman be awlɛn’n i klɛn’n sa.”+

11 Ń má bú Moabu i fɔ,+ yɛ bé wá sí jrɛiin kɛ n ti Zoova.’