18 Ɔ kan ba ng’ɔ leman si’n* nin angbeti bla’n be ti ndɛ kɛ ɔ nin i fata’n sa.+ Ɔ klo aofuɛ ng’ɔ tran amun afiɛn’n,+ yɛ ɔ mɛn i aliɛ nin tralɛ.

3 Zoova waan yoo: “Amun yo naan sran’m be yo sa i nuan su, naan be nanti seiin. Be nga awiefuɛ’m be wuali be sa nun ninnge mun’n, an de be. Nán amun yo aofuɛ mun, nin ba nga be leman si’n,* ɔ nin angbeti bla’m be tɛtɛ.+ Yɛ nán amun gua sran mɔ b’a yoman like fi’n be mmoja ase lika nga nun wa.+