12 Andɛ kɔnguɛ’n, kɛ ɔ fɛ i sran’m be su lele m’ɔ́ fá jú nnɛn’m be su’n, ń má sínsín Ezipti mɛn’n nun, ń kún ba klikli’m be kwlaa.+ Ń má tú Ezipti amuin’m be kwlaa be fɔ.+ N ti Zoova.

12 Ń fá sin ń yí i Ezipti lɔ amuin’m be sua’m be nun.+ Yɛ Nebikadnezaa wɔ́ be nun. Ɔ́ fá amuin mun kɔ́ i nvle’n nun. Ɔ́ fá Ezipti mɛn’n fá kɛ́tɛ i wun kɛ bua sunianfuɛ’n fɛ i kondro’n kɛtɛ i wun’n sa. Kpɛkun ɔ́ kɔ́ i kɔlɛ bɔ cɛ.*

25 “Zoova m’ɔ ti sonja’m be su kpɛn’n, m’ɔ ti Izraɛli Ɲanmiɛn’n waan yoo: ‘Ń má kpɛ́ min ɲin Amɔn+ m’ɔ ti No*+ lɔ amuin’n, nin Faraɔn, nin Ezipti, nin i amuin mun,+ nin i famiɛn mun be su lɔ naan ń klé be ɲrɛnnɛn. Ń klé Faraɔn nin be kwlaa nga be fa be wla guɛ i su’n be ɲrɛnnɛn.’+

13 Ndɛ nga Miɛn Zoova m’ɔ Sie Like Kwlakwla’n kan’n yɛ: “Asa ekun’n, ń núnnún amuin mɔ be ti like kain’n* yɛ ń núnnún Nɔfu* lɔ amuin mɔ be timan like fi’n.+ Be su ɲanman sran dan* Ezipti mɛn’n nun lɔ kun, yɛ ń má yó maan srɛ wá kún Ezipti mɛn’n nunfuɛ mun.+