3 I sin’n Zoova seli kɛ: “Min sufuɛ Ezai nantili i wun kplɛn nin i ja ngbɛn afuɛ nsan naan i sɔ’n yo Ezipti+ nin Etiopi+ be nzɔliɛ like,+ naan ɔ yo sa ng’ɔ́ wá jú be su’n i nzɔliɛ. 4 I wafa kunngba’n, Asiri famiɛn’n wá fá be ng’ɔ trali be Ezipti lɔ’n,+ ɔ nin be ng’ɔ trali be Etiopi lɔ’n ɔ́ kɔ́. Kɛ bé kɔ́’n, i bakan-o, i kpɛnngbɛn-o, be wun kplɛn, be ja ngbɛn, yɛ be bondrɛ’n gúa su. Ɔ́ yó Ezipti i ɲannzuɛn like.

25 “Zoova m’ɔ ti sonja’m be su kpɛn’n, m’ɔ ti Izraɛli Ɲanmiɛn’n waan yoo: ‘Ń má kpɛ́ min ɲin Amɔn+ m’ɔ ti No*+ lɔ amuin’n, nin Faraɔn, nin Ezipti, nin i amuin mun,+ nin i famiɛn mun be su lɔ naan ń klé be ɲrɛnnɛn. Ń klé Faraɔn nin be kwlaa nga be fa be wla guɛ i su’n be ɲrɛnnɛn.’+

26 Ń fá be ń wlá be nga be kunndɛ kɛ bé kún be’n be sa nun, ń fá be ń wlá Nebikadnezaa* m’ɔ ti Babilɔnin famiɛn’n+ nin i sonja’m be sa nun. Sanngɛ i sin’n, sran’m bé wá trán su ekun kɛ laa’n sa.’ Zoova yɛ ɔ kan sɔ-ɔ.+

19 “I sɔ’n ti’n, ndɛ nga Miɛn Zoova m’ɔ Sie Like Kwlakwla’n kan’n yɛ: ‘Ń má fá Ezipti mɛn’n ń mán famiɛn Nebikadnezaa* m’ɔ ti Babilɔnin famiɛn’n.+ Ɔ́ wá fɛ́ i aɲanbeun ninnge mun, ɔ́ fá ninnge kpanngban yɛ ɔ́ fɛ́n i nun ninnge mun, yɛ i sɔ’n yó i sonja’m be akatua.’