37 Ɔ maan Ilkia i wa Eliakimun m’ɔ nian famiɛn’n i awlo’n su’n, nin Sɛbna m’ɔ ti fluwa klɛfuɛ’n, ɔ nin Azafu i wa Zoa m’ɔ klɛ nvle’n nun ndɛ mun sie’n, be titili be wun tralɛ’m be nun, kpɛkun be ɔli Ezekiasi i wun lɔ, be ko kannin ndɛ nga Rabusake’n kannin’n kleli i.

2 I sin’n, ɔ sunmannin Eliakimun m’ɔ nian famiɛn’n i awlo’n* su’n, nin Sɛbna m’ɔ ti fluwa klɛfuɛ’n, ɔ nin Ɲanmiɛn ɲrun jranfuɛ’m be su kpɛn mun naan be ko wun Amɔzu i wa Ezai+ m’ɔ ti Ɲanmiɛn nuan ijɔfuɛ’n i wun. Kɛ bé kɔ́’n, bajɛ tralɛ kata be wun.