20 Blɛ sɔ’n nun’n, Ezekiasi tɔli tukpacɛ kekle kpa, ɔ timan nguan liɛ.+ Amɔzu i wa Ezai m’ɔ ti Ɲanmiɛn nuan ijɔfuɛ’n bali wa seli i kɛ: “Ndɛ nga Zoova kan’n yɛ: ‘Siesie ɔ aja’n afin á wú, a su yoman juejue.’”+ 2 Kɛ ɔ yoli sɔ’n ɔ kpɛli i ɲin talɛ’n su lɔ, yɛ ɔ boli Zoova srɛlɛ bo-ɔ. Ɔ seli kɛ: 3 “Ee Zoova, ń srɛ́ wɔ kpa, yaci, maan ɔ wla kpɛn su kɛ e nin wɔ e nantili klanman, n fali min awlɛn’n kwlaa n suli wɔ, yɛ n yoli sa ng’ɔ ti kpa ɔ ɲrun’n.”+ Kpɛkun Ezekiasi sunnin sunlɛ kpa.