12 Zozakinin m’ɔ ti Zida famiɛn’n fɛli i wun mannin Babilɔnin famiɛn’n,+ ɔ nin i nin, nin i sufuɛ mun, nin i sran dandan mun, nin i awlo lɔ junman difuɛ mun.+ Kpɛkun Babilɔnin famiɛn’n trɛli i ɔli. Kɛ ɔ́ yó sɔ’n, nn Babilɔnin famiɛn’n kacili famiɛn w’a di afuɛ mɔcuɛ.+

24 “Zoova waan yoo: ‘Kɛ mɔ n wo lɛ sakpasakpa’n ti’n, kannzɛ bɔbɔ Zozakimun+ i wa Konia*+ m’ɔ ti Zida famiɛn’n yɛ ɔ ti nga nga be fa sie like nzɔliɛ m’ɔ o min sa fama’n su’n, ń tú i lɛ.