10 Kɛ afuɛ’n boli i bo’n,* Famiɛn Nebikadnezaa sunmannin sran naan be ko fɛ i bla Babilɔnin.+ I waan be fa Zoova i sua’n nun lɔ ninnge kpakpa mun bla wie.+ Kpɛkun ɔ sieli Zozakinin i si i niaan bian ng’ɔ suan Sedesiasi’n i famiɛn Zidafuɛ mun nin Zerizalɛmunfuɛ’m be su.+

11 Kɛ Sedesiasi+ káci famiɛn’n, nn ɔ le afuɛ ablaɔn-nin-kun (21). Ɔ dili famiɛn afuɛ blu-nin-kun (11) Zerizalɛmun lɔ.+ 12 Ɔ yoli sa ng’ɔ ti tɛ’n i Ɲanmiɛn Zoova i ɲrun titi. W’a kɛnmɛn i wun ase Zeremin m’ɔ ti Ɲanmiɛn nuan ijɔfuɛ’n+ i ɲrun. Kusu nn Zoova yɛ ɔ fa ndɛ wlɛ i nuan-ɔn.