38 Kɛ Zeremin kán ndɛ klé nvlefuɛ mun’n, Matan i wa Sefatia, nin Pasii i wa Gedalia, nin Selemia i wa Zikali,+ nin Malkia i wa Pasii+ be tili. Ɔ seli kɛ:

4 Sran dandan’m be seli famiɛn’n kɛ: “Nian, maan be kun bian sɔ’n.+ Afin i ndɛ ng’ɔ kan be’n ti’n, e sonja nga be ka klɔ nga nun’n nin nvlefuɛ’m be kwlaa be sa sin w’a bubu be. Bian sɔ’n kunndɛman kɛ nvle nga i nunfuɛ’m be tran fɔuun nun. Ɲrɛnnɛn yɛ ɔ sunnzun i be wun-ɔn.”