15 Sanngɛ maan amun wun i wlɛ kɛ sɛ amun kun min’n, nn amun bɔbɔ nin klɔ nga nin i sufuɛ mun, amun a kun sran kun mɔ w’a yoman sa tɛ’n sa ngbɛn.* Afin Zoova yɛ ɔ sunmannin min sakpasakpa kɛ n kan ndɛ kwlaa sɔ mun n kle amun-ɔn.”

8 Ebɛdi-Melɛki fɛli i famiɛn’n i awlo lɛ naan w’a ko se famiɛn’n kɛ: 9 “Ee, min min, famiɛn, sa nga b’a fa yo Ɲanmiɛn nuan ijɔfuɛ Zeremin’n, ɔ ti tɛ dan-o! Be fɛ i yili kunman’n nun. Yɛ awe’n kún i lele ɔ́ wú lɔ. Afin kpanwun ba kun sa nunman klɔ’n nun.”+