• Zeremin 25:20
    Ɲanmiɛn Ndɛ’n—Mɛn Uflɛ Biblu’n

    • 20 ɔ nin lɔ aofuɛ’m be kwlaa naan b’a nɔn. Kpɛkun n fa mannin Izi lɔ famiɛn’m be kwlaa. I sin’n n fa mannin Filistifuɛ’m+ be famiɛn’m be kwlaa, i Askalɔn+ lɔ liɛ’n nin-o, i Gaza lɔ liɛ’n nin-o, i Ekrɔn lɔ liɛ’n nin-o, be nga be ka Asdɔdu lɔ’n be liɛ’n nin-o.

  • Ezekiɛli 25:15, 16
    Ɲanmiɛn Ndɛ’n—Mɛn Uflɛ Biblu’n

    • 15 “Ndɛ nga Miɛn Zoova m’ɔ Sie Like Kwlakwla’n kan’n yɛ: ‘Filistifuɛ’m be sran kpɔlɛ dan’n ti’n, be kunndɛli kɛ bé tú be klunngbɔ naan bé sáci like.+ 16 I sɔ’n ti’n, ndɛ nga Miɛn Zoova m’ɔ Sie Like Kwlakwla’n kan’n yɛ: “Ń má tínngɛ min sa’n Filistifuɛ’m be wun,+ yɛ ń kún Kerɛtifuɛ mun,+ kpɛkun ń núnnún be nga be tran jenvie’n i nuan lɔ mɔ be kali lɛ’n.+

  • Amɔsu 1:6
    Ɲanmiɛn Ndɛ’n—Mɛn Uflɛ Biblu’n

    •  6 Ndɛ nga Zoova kan’n yɛ:

      ‘“Ɲin kekle nga Gaza+ yoli i kpɛ nsan, ɔ nin kpɛ nnan’n ti’n, i wun ajalɛ nga n fali’n n su kacimɛn i,

      afin be fali be nga be trali be lomuɛn ɔli’n+ be akpasua wunmuan kun wlɛli i Edɔmun sa nun.

  • Zakari 9:5, 6
    Ɲanmiɛn Ndɛ’n—Mɛn Uflɛ Biblu’n

    •  5 Askalɔn wún i, yɛ srɛ kún i.

      Gaza i wla wá bó i wun dan kpa,

      yɛ Ekrɔn i wla wá bó i wun dan wie, afin klɔ m’ɔ fɛli i wla guɛli i su’n i ɲin w’a gua ase.

      Gaza su ɲanman famiɛn kun,

      yɛ sran su tranman Askalɔn lɔ kun.+

       6 Aofuɛ kun yɛ ɔ́ wá trán Asdɔdu lɔ-ɔ,

      yɛ ń má yó maan Filistifuɛ’n i wun tulɛ’n wíe.+