ƐNTƐNƐTI SU FLUWA SIEWLƐ Watchtower

ƐNTƐNƐTI SU FLUWA SIEWLƐ Watchtower

ƐNTƐNƐTI SU FLUWA SIEWLƐ

Ezai 23:1

Ɲanmiɛn Ndɛ’n—Mɛn Uflɛ Biblu’n
- 23 Be kan ndɛ nga be wɔ Tir:+
  Taasisi mmeli mun,+ an kpan kekle!
  Afin be sacili mmeli jranwlɛ’n, be kwlá wluman lɔ,
  Kitimun+ mɛn’n nun lɔ yɛ be kannin ndɛ sɔ’n be kleli be-ɔ.

Ezai 23:4

Ɲanmiɛn Ndɛ’n—Mɛn Uflɛ Biblu’n
- 4 Ee Sidɔn, wɔ mɔ a ti jenvie nuan lɔ fiawlɛ’n, maan ɲannzuɛn kun wɔ,
  afin jenvie’n seli kɛ:
  “Ba wulɛ aklunya w’a tɔman min su, m’an wuman ba,
  m’an taman ba yasua, yɛ m’an taman ba bla.”*+

Zeremin 25:17

Ɲanmiɛn Ndɛ’n—Mɛn Uflɛ Biblu’n
- 17 N fali klowa ng’ɔ o Zoova i sa nun’n. Kpɛkun n fa ko mannin nvle kwlaa nga Zoova sunmannin min be nun’n, naan b’a nɔn.+

Zeremin 25:22

Ɲanmiɛn Ndɛ’n—Mɛn Uflɛ Biblu’n
- 22 Tir lɔ famiɛn’m be kwlaa, Sidɔn+ lɔ famiɛn’m be kwlaa, nin nvle nga be o jenvie’n i afiɛn lɔ’n be su famiɛn’m be kwlaa.

Zeremin 27:2, 3

Ɲanmiɛn Ndɛ’n—Mɛn Uflɛ Biblu’n
- 2 “Zoova seli min kɛ: ‘Wɔ ɲanman wie mun, yɛ yo waka nga be fa sie be kɔmin su’n naan fa be sie ɔ kɔmin su. 3 Kpɛkun fa man be nga be sunmannin be Sedesiasi m’ɔ ti Zida famiɛn’n i sin Zerizalɛmun wa’n, naan be fa ko man Edɔmun+ famiɛn’n, nin Moabu+ famiɛn’n, nin Amɔnfuɛ’m+ be famiɛn’n, nin Tir+ famiɛn’n, nin Sidɔn+ famiɛn’n.

Ezekiɛli 28:21

Ɲanmiɛn Ndɛ’n—Mɛn Uflɛ Biblu’n
- 21 “Sran wa, kpɛ ɔ ɲin Sidɔn+ i su lɔ naan kan sa ng’ɔ́ wá jú i su’n i ndɛ kle i.

Zoɛli 3:4

Ɲanmiɛn Ndɛ’n—Mɛn Uflɛ Biblu’n
- 4 ?Tir nin Sidɔn ɔ nin Filisti lɔ akpasuaakpasua’m be sufuɛ’m be kwlaa,
  n yoli amun sɛ?
  
  ?N yoli amun sa wie ti yɛ amun su yi man min-ɔn?
  Sɛ amun su yi man min’n,
  
  sa nga amun yo min’n, n su sisiman min bo naan m’an fa yo amun wie.*+