• Zeremin 5:31
    Ɲanmiɛn Ndɛ’n—Mɛn Uflɛ Biblu’n

    • 31 Ɲanmiɛn nuan ijɔfuɛ’m be bua ato,+

      yɛ Ɲanmiɛn ɲrun jranfuɛ’m be fa kwlalɛ mɔ be le i’n be tintin sran’m be su.

      Min nvle nunfuɛ’m be klo i sɔ liɛ’n kusu.+

      ?Sanngɛ kɛ i kwlaa sɔ’n ko wie’n, amún yó i sɛ?”

  • Zeremin 6:13, 14
    Ɲanmiɛn Ndɛ’n—Mɛn Uflɛ Biblu’n

    • 13 “Be nga be leman ɲrun-o, be nga be le ɲrun-o, be kwlaa be di ndrunmun be fa ɲan be wun.+

      I Ɲanmiɛn nuan ijɔfuɛ-o, i Ɲanmiɛn ɲrun jranfuɛ-o, be kwlaa be di sran lufle.+

      14 Yɛ be kunndɛ kɛ bé yó min nvle nunfuɛ’m be tukpacɛ’n* i ayre, kusu nn be mianman be ɲin bɔ kaan sa. Be se kɛ:

      ‘Fɔundi o lɛ! Fɔundi o lɛ!’

      Kusu nn fɔundi nunman lɛ.+

  • Zeremin 23:16, 17
    Ɲanmiɛn Ndɛ’n—Mɛn Uflɛ Biblu’n

    • 16 Zoova m’ɔ ti sonja’m be su kpɛn’n waan yoo:

      “Ɲanmiɛn nuan ijɔfuɛ nga be kan sa nga bé wá jú’n be ndɛ’n, nán amun sie amun su be nuan bo.+

      Be laka amun.*

      Aolia nun like nga be kɛn i ndɛ’n, be bɔbɔ yɛ be kpɛ i be ti nun-ɔn.+

      Nán Zoova i nuan ndɛ mun-ɔn.+

      17 Be se be nga be buman min sran’n be titi kɛ:

      ‘Zoova waan: “Amún trán fɔundi nun.”’+

      Yɛ be se be kwlaa nga like nga be awlɛn’n su be bo kɛ be yo’n yɛ be yo’n be kɛ:

      ‘Ɲrɛnnɛn ba kun sa su tɔman amun su.’+

  • Zeremin 27:8-10
    Ɲanmiɛn Ndɛ’n—Mɛn Uflɛ Biblu’n

    • 8 “‘“Zoova waan yoo: ‘Sɛ nvle kun annzɛ famiɛn diwlɛ kun waan ɔ suman Nebikadnezaa m’ɔ ti Babilɔnin famiɛn’n, sɛ i waan ɔ fɛmɛn i ti wlɛmɛn i Babilɔnin famiɛn’n i kɔmin su waka’n i bo’n, ń fá tokofi+ nin awe’n nin tukpacɛ m’ɔ sa ndɛndɛ’n ń klé i nun lele ɔ́ núnnún i mlɔnmlɔn.’

      9 “‘“‘I sɔ’n ti’n, amun ɲanmiɛn’m be nuan ijɔfuɛ mun, nin amun wunnzue yifuɛ mun, nin amun laliɛ cɛnfuɛ mun, nin amun atrɛ yifuɛ mun, nin amun bae difuɛ nga be se amun kɛ: “Amun su suman Babilɔnin famiɛn’n,” nán amun sie amun su be nuan bo. 10 Afin be ndɛ nga be kan kle amun’n ti ato. Sɛ amun sie amun su be nuan bo’n, bé fá amun kɔ́ amun nvle’n i wun mmua kpa. Ń yó maan amún bó sánndi, yɛ amún núnnún mlɔnmlɔn.

  • Mise 3:11
    Ɲanmiɛn Ndɛ’n—Mɛn Uflɛ Biblu’n

    • 11 Be wlɛ i ɲrun dinfuɛ’m be sa bo like yɛ be di jɔlɛ-ɔ,+

      be mɛn i Ɲanmiɛn ɲrun jranfuɛ’m be like yɛ be kle like-ɔ,+

      be mɛn i Ɲanmiɛn nuan ijɔfuɛ’m be sika yɛ be yi wunnzue-ɔ.+

      Sanngɛ be fa be wla gua Zoova su,* be se kɛ:

      “?Zoova nunman e sin ti-ɔ?+

      Sa tɛ fi su ɲanman e.”+