• Zeremin 5:12, 13
    Ɲanmiɛn Ndɛ’n—Mɛn Uflɛ Biblu’n

    • 12 “Be kpɔcili Zoova, kpɛkun be kɛn i titi kɛ:

      ‘Ɔ su yoman like fi.*+

      Ɲrɛnnɛn fi su tɔman e su.

      E su wunman tokofi, yɛ awe su kunman e.’+

      13 Ndɛ nga Ɲanmiɛn nuan ijɔfuɛ’m be kan’n ɔ ti aunmuan ngbɛn,

      Yɛ ndɛ’n* nunman be nun.

      Maan be liɛ’n yo sɔ.”*

  • Zeremin 23:15
    Ɲanmiɛn Ndɛ’n—Mɛn Uflɛ Biblu’n

    • 15 I sɔ’n ti’n, Ɲanmiɛn nuan ijɔfuɛ’m be wun ndɛ nga Zoova m’ɔ ti sonja’m be su kpɛn’n ɔ kan’n yɛ:

      “Ń má fá ijre wiwi’n ń fá mán be naan be di,

      yɛ ń má fá nzue mɔ ayre tɛ o nun’n ń fá mán be naan be nɔn.+

      Afin Zerizalɛmun lɔ Ɲanmiɛn nuan ijɔfuɛ’m b’a wlawla sran mun nvle wunmuan’n nun naan be nin min be bu.”

  • Ezekiɛli 13:9
    Ɲanmiɛn Ndɛ’n—Mɛn Uflɛ Biblu’n

    • 9 Ɲanmiɛn nuan ijɔfuɛ mɔ be aolia nun like nga be wun be’n be timan nanwlɛ’n, mɔ sa nga be se kɛ bé wá jú’n be ti ato ndɛ’n,+ m’an tinngɛ min sa’n nun be wun. Be su tranman be nga n kan min klun ndɛ n kle be’n be nun. Be su klɛman be dunman Izraɛli nvle’n nunfuɛ’m be fluwa’m be nun. Be su saman be sin Izraɛli mɛn’n nun. Yɛ amún wá sí jrɛiin kɛ min yɛ n ti Miɛn Zoova m’ɔ Sie Like Kwlakwla’n niɔn.+