17 Ń yí asenna tɛ ń mán wɔ.+

Ń mánmán Zoova i dunman’n.

10 “Zoova waan yoo: ‘Klɔ nga amún wá kɛ́n i ndɛ bé sé kɛ klɔ nga w’a tɔ srolo, naan sran fi nin nnɛn fi be nunman su, naan Zida klɔ mun nin Zerizalɛmun lɔ akpɔ mun b’a tɔ srolo, naan sran fi nin i sufuɛ fi nin nnɛn fi be nunman lɛ’n, klɔ sɔ’n nun’n bé wá tí 11 bo srolɛ nin aklunjɔɛ kpanlɛ’n+ ekun, nin yasua nga w’a ja bla’n i nɛn’n ekun, nin bla nga w’a ja bian’n i nɛn’n ekun. Yɛ sran nga bé wá tí be nɛn’n ekun’n yɛle be nga be se kɛ: “Amun la Zoova m’ɔ ti sonja’m be su kpɛn’n i ase. Afin Zoova ti kpa.+ I sran klolɛ dan’n wieman le!”’+

“‘Bé fá like bé bá min bɔbɔ Zoova min sua’n nun bé fá lá min ase.+ Afin ń fá nvle’n nun sran nga be ti bisuafuɛ’n ń bá, yɛ lika’n yó kɛ i bo bolɛ nun’n sa ekun.’ Min Zoova yɛ n kan sɔ-ɔ.”