ƐNTƐNƐTI SU FLUWA SIEWLƐ Watchtower

2 Famiɛn Mun 21:16

Ɲanmiɛn Ndɛ’n—Mɛn Uflɛ Biblu’n
- 16 Manase guali be mɔ b’a yoman sa’n be mmoja’n i ase dan. Kɛ ɔ fɛ i Zerizalɛmun klɔ’n i bue kun su lele m’ɔ́ fá jú i bue uflɛ su lɔ’n, be mmoja’n yili klɔ’n.+ Ɔ yoli sɔ fa ukali sa tɛ nga i dunman nun ti’n Zidafuɛ’m be yoli’n su. Yɛle kɛ ɔ yoli maan be yoli sa ng’ɔ ti tɛ Zoova ɲrun’n.

Ezai 59:7

Ɲanmiɛn Ndɛ’n—Mɛn Uflɛ Biblu’n
- 7 Be ja’n wanndi ko yo sa tɛ,
  be kɔ ndɛndɛ be ko gua sran mɔ w’a yoman sa’n i mmoja ase.+
  Akunndan nga be bu’n ɔ ti tɛ,
  lika kwlaa nga be sin’n, ɔ ti afɛ nin ɲrɛnnɛn.+

Zeremin 2:34

Ɲanmiɛn Ndɛ’n—Mɛn Uflɛ Biblu’n
- 34 Be nga be leman wie’n mɔ b’a yoman sa fi’n, be mmoja’n blo ɔ tralɛ’n i ngua lika’n nun sa biouun,+
  kusu nn m’an wunman kɛ be su bu ɔ sua’n i lika wie naan bé wlú lɔ.
  Ɔ tralɛ’n i ngua lika’n ti be mmoja ngunmin.+

Ngwlɛ Yilɛ 4:13

Ɲanmiɛn Ndɛ’n—Mɛn Uflɛ Biblu’n
- 13 Sa tɛ nga lɔ Ɲanmiɛn nuan ijɔfuɛ mun nin Ɲanmiɛn ɲrun jranfuɛ’m be yoli’n ti yɛ sa sɔ’n juli be su-ɔ.+
  Be guali be nga b’a yoman sa fi’n be mmoja’n i ase klɔ’n i afiɛn lɔ.+

Matie 23:34, 35

Ɲanmiɛn Ndɛ’n—Mɛn Uflɛ Biblu’n
- 34 I sɔ’n ti’n, n su sunman Ɲanmiɛn nuan ijɔfuɛ mun,+ nin ngwlɛlɛfuɛ mun, ɔ nin nzra nun like klefuɛ mun+ amun sin. Amún wá kún be nun wie mun,+ yɛ amún bóbó wie mun waka su. Asa kusu’n, amún fá ngble bó be nun wie mun+ amun Ɲanmiɛn sulɛ sua’m be nun. Kpɛkun amún klé be nun wie’m be yalɛ+ klɔklɔ’m be su, 35 kɛ ɔ ko yo naan sran kpa nga be kunnin be’n, be wie’n w’a ka amun su’n ti. Ɔ́ fɛ́ i Abɛli m’ɔ ti sran kpa’n+ i wie ndɛ liɛ’n su lele fá jú Zakari m’ɔ ti Barasi i wa’n, mɔ amun kunnin i Ɲanmiɛn sua’n nin tɛ yiwlɛ’n be afiɛn’n nun’n, i liɛ’n su.+