17 B’a kplinman su kɛ bé tíe ɔ nuan ndɛ’n,+ be wla w’a kpɛnman sa dandan nga a yoli be be afiɛn’n be su, be yoli ɲin kekle,* be sieli kpɛn kun naan bé sá be sin kanga nun Ezipti lɔ.+ Sanngɛ a ti Ɲanmiɛn kun m’ɔ yaci sa cɛ-ɔ, ɔ klun ti ufue,* yɛ a si aunnvɔɛ, a faman ya ndɛndɛ, a klo sran dan,+ ɔ maan w’a yiman be ase.+

29 Kannzɛ bɔbɔ a kan kleli be kɛ be sa be sin be fa ɔ Mmla’n su’n, sanngɛ be tuli be wun, b’a kplinman su kɛ bé tíe ɔ nuan ndɛ’n.+ Be yoli sa tɛ, afin ɔ afɔtuɛ mɔ sran ng’ɔ nanti be su’n ɔ ɲan nguan’n,+ b’a nantiman be su. Sanngɛ ɲin kekle yolɛ’n ti’n, be kacili be sin be sili wɔ, be keteli be kɔmin’n, yɛ b’a kplinman su kɛ bé tíe ɔ nuan ndɛ’n.

12 Be keteli be awlɛn’n kɛ diaman* sa,+ b’a nantiman mmla’n nin ndɛ nga Zoova m’ɔ ti sonja’m be su kpɛn’n sinnin i wawɛ’n i lika kan kleli laa Ɲanmiɛn nuan ijɔfuɛ mun’n su.+ Ɔ maan Zoova m’ɔ ti sonja’m be su kpɛn’n fali be wun ya dan.”+