15 Zoova m’ɔ ti be nannan’m be Ɲanmiɛn’n sunmɛnnin i sran mun titi naan be ko kan ndɛ kle be. Ɔ kannin ndɛ kleli be lelele, aunnvɔɛ m’ɔ si i nvle’n nunfuɛ mun’n, nin i bɔbɔ i tranwlɛ’n be ti. 16 Sanngɛ be fali Ɲanmiɛn Kpli i sran’m be yiyili be ɲin su sa trilili,+ be yoli i ndɛ’n i finfin,+ yɛ be srili i nuan ijɔfuɛ mun.+ Be yoli sɔ lele Zoova wa fali i nvle’n nunfuɛ’m be wun ya dan.+ Be yoli sɔ lele b’a kwlá yoman juejue kun.

33 Sa kwlaa nga be juli e su be nun’n, a kleli kɛ a yo sa i nuan su, afin a nin e nantili nanwlɛ su. E bɔbɔ yɛ e yoli sa tɛ-ɔ.+

7 Zoova, ɔ liɛ’n, a yo sa nuan su sɛsɛ. Sanngɛ e liɛ’n, ɲannzuɛn’n yɛ ɔ nin e fata-ɔ, kɛ nga e fa wun i andɛ’n sa. Zidafuɛ mun nin Zerizalɛmunfuɛ mun nin Izraɛlifuɛ’m be kwlaa, be nga be o koko’n nin be nga be o mmua mɔ be o nvle kwlaa nga a yoli maan be bo sanndili be nun’n, ɲannzuɛn’n yɛ ɔ nin be kwlaa fata-ɔ. Afin be nin wɔ b’a nantiman klanman.+

16 Ee Zoova, sa nuan su sɛsɛ kwlaa nga a yo be’n ti’n,+ yaci, Zerizalɛmun m’ɔ ti ɔ klɔ’n, m’ɔ ti ɔ liɛ klonglo’n i wun ya dan nga a fali’n, guɛ i ase. Afin sa tɛ nga e yoli’n ti’n, ɔ nin fɔnlɛ nga e nannan’m be fɔnnin’n ti’n, be kwlaa nga be mantan e’n be yo Zerizalɛmun nin ɔ sran’m be finfin.+