17 “Sa ng’ɔ́ wá tɔ́ Edɔmun su’n, ɔ́ yó sro.+ Ɲrɛnnɛn kwlaa ng’ɔ́ wá tɔ́ i su’n ti’n, be kwlaa nga bé wá sín i wun lɛ’n, kɛ bé wún i’n, ɔ́ yó be sro. Kpɛkun bé bó feliman.” 18 Zoova waan yoo: “Ɔ́ yó kɛ Sodɔmun nin Gomɔru nin klɔ nga be mantan be+ lɛ mɔ n nunnunnin be’n sa. Ɔ́ tɔ́ srolo, yɛ sran fi su tranman su kun.”+

13 I sɔ’n ti’n, ndɛ nga Miɛn Zoova m’ɔ Sie Like Kwlakwla’n kan’n yɛ: “N kusu ń má tínngɛ min sa’n Edɔmun wun kpɛkun ń kún sran mun nin nnɛn mun, yɛ ń yó maan ɔ́ tɔ́ srolo.+ Kɛ ɔ fɛ i Teman m’ɔ́ fá jú Dedan’n, bé fá tokofi bé kún be kwlaa.+

4 “Kannzɛ Edɔmun se kɛ: ‘B’a bubu e sekeseke, sanngɛ é sá e sin yɛ é kplán lika ng’ɔ bubuli’n i uflɛ ekun’n,’ sanngɛ Zoova m’ɔ ti sonja’m be su kpɛn’n waan yoo: ‘Bé kplán, sanngɛ ń búbú i, yɛ dunman nga bé fá tɔ́n be’n, yɛle “klunwi lika,” nin “sran mɔ Zoova w’a bu be fɔ mlɔnmlɔnmlɔn’n.”+