• Mmla’n 30:3
    Ɲanmiɛn Ndɛ’n—Mɛn Uflɛ Biblu’n

    • 3 Zoova m’ɔ ti amun Ɲanmiɛn’n fá amun sá amun sin amun mɛn’n nun.+ Ɔ́ sí amun aunnvɔɛ.+ Zoova m’ɔ ti amun Ɲanmiɛn’n kó fá amun nvle ng’ɔ yoli maan amun bo sanndili be nun’n be nun. Kpɛkun ɔ́ yó maan amun ti wá yía ekun.+

  • Zeremin 16:14, 15
    Ɲanmiɛn Ndɛ’n—Mɛn Uflɛ Biblu’n

    • 14 “Zoova waan yoo: ‘Sanngɛ blɛ kun wá jú’n, ndɛ nga be kɛn i titi se kɛ: “N kan Zoova m’ɔ lafiman’n, m’ɔ fali Izraɛlifuɛ mun Ezipti lɔ fiteli’n,” be su kɛnmɛn i kun.+ 15 Sanngɛ bé sé kɛ: “N kan Zoova m’ɔ lafiman’n, m’ɔ fali Izraɛlifuɛ mun nvle ng’ɔ o nglo lɔ lika’n nun nin nvle kwlaa ng’ɔ fa be ɔli nun’n be nun bali’n,” yɛ ń fá be ń sá be sin be nvle’n nun. Nvle sɔ’n yɛ n fa mannin be nannan mun-ɔn.’+

  • Amɔsu 9:14
    Ɲanmiɛn Ndɛ’n—Mɛn Uflɛ Biblu’n

    • 14 ‘Izraɛli m’ɔ ti min nvle’n i nun sran mɔ be trali be ɔli’n, ń kó fá be ń bá,+

      yɛ bé kplán klɔ nga be bubuli’n be uflɛ, kpɛkun bé trán be su.+

      Bé dí viɲin fie mun, kpɛkun bé nɔ́n duvɛn,+

      yɛ bé tá waka mun, kpɛkun bé dí be su mma mun.’+