46 “Ndɛ nga Miɛn Zoova m’ɔ Sie Like Kwlakwla’n kan’n yɛ: ‘Cɛn ba nsiɛn nga be fa di junman’n+ be nun’n, maan be ɲin awlo klun kaan’n i anuan m’ɔ kaci wia afiliɛ+ bue liɛ’n su lɔ’n,+ sanngɛ Wunmiɛn-lolɛ-cɛn’n nun’n, ɔ nin anglo le kun cɛn’n nun’n maan be tike. 2 Siefuɛ’n ɔ́ fɛ́ i awlo klun dan’n nun lɔ, ɔ́ sín lika fleiin nga be sin i bo’n i nun lɛ,+ kpɛkun ɔ́ jrán anuan’n i kadri’n i wun lɛ. Ɲanmiɛn ɲrun jranfuɛ’m bé yí siefuɛ’n i tɛ nga kɛ bé yí’n be yra nnɛn’n i kɔlikɔli’n, ɔ nin i bo kun yolɛ tɛ mun, kpɛkun ɔ́ kóto anuan’n i ɲrun lɛ. I sin’n ɔ́ fíte. Sanngɛ ɔ fataman kɛ be ɲin anuan’n, saan nnɔsua.