21 “‘Nán kplin su kɛ be fa ɔ wa be yi tɛ be man Molɛki.+ Nán yo sɔ naan saci ɔ Ɲanmiɛn’n i dunman.+ N ti Zoova.

2 “Ɔ fata kɛ a se Izraɛlifuɛ’m be kɛ: ‘Sɛ Izraɛli yasua kun, annzɛ aofuɛ nga be tran Izraɛlifuɛ’m be afiɛn’n be nun kun fɛ i wa yi tɛ man Molɛki’n, ɔ fata kɛ be kun i, nán be yaci i lɛ.+ Maan nvlefuɛ’m be finfin i yɔbuɛ be kun i.

16 Kɛ Remalia i wa Peka kacili famiɛn’n, i afuɛ blu-nin-nso (17) su’n, Zotamun m’ɔ ti Zida famiɛn’n i wa Akazi+ kacili famiɛn.

3 Ɔ niannin Izraɛli famiɛn’m be ajalɛ’n su nantili,+ i kpa bɔbɔ’n ɔ yrɛli i bɔbɔ i wa’n sin nun.*+ I lɛ nun’n, nvle nga Zoova fuannin be Izraɛlifuɛ’m be ɲrun’n be ninnge kainkain nga be yo’n,+ i wie yɛ ɔ yoli-ɔ.

33 Kɛ Manase+ káci famiɛn’n, nn ɔ le afuɛ blu-nin-nɲɔn (12). Ɔ dili famiɛn afuɛ ablenun-nin-nnun (55) Zerizalɛmun lɔ.+

6 Ɔ yrɛli i bɔbɔ i klun ba mun sin’n nun*+ Inɔmun i Wa’n i Kongo’n* nun.+ Ɔ yili atrɛ,+ ɔ yili wunnzue, ɔ dili bae, kpɛkun ɔ sieli sran wie mun kɛ be nin be nga be wuli’n be ijɔ, yɛ ɔ sieli wie mun ekun naan be yi wunnzue.+ Ɔ yoli sa ng’ɔ ti tɛ Zoova ɲrun’n tratrali su naan ɔ́ fá fɔ́kɔ i awlɛn.

31 Be ko kplannin lika nglonglo nga be o Tofɛti m’ɔ o Inɔmun i Wa’n i Kongo’n*+ nun’n, naan bé fá sin bé yrá be mma yasua mun nin be mma bla mun kɔlikɔli.+ Kusu nn m’an seman be kɛ be yo i sɔ like. Yɛ i sɔ akunndan nin-a baman min ti nun le bɔbɔ.’+

26 N yacili be lɛ maan be wluli fiɛn nun, be tɛ mɔ kɛ bé yí’n be fa be mma klikli mun yi i sin nun’n ti.+ N yoli sɔ naan be wla bo be wun. I liɛ’n, bé wá sí jrɛiin kɛ n ti Zoova.”’