• Mise 3:1-3
    Ɲanmiɛn Ndɛ’n—Mɛn Uflɛ Biblu’n

    • 3 N seli kɛ: “Amun mɔ amun ti Zakɔbu i su kpɛn’n,

      yɛ amun mɔ amun ti Izraɛli nvle’n i siefuɛ’n,+ amun yaci, amun sie amun su be tie.

      ?Nán amun yɛ ɔ fata kɛ amun si sa nuan su sɛsɛ yolɛ’n niɔn?

       2 Sanngɛ amun kpɔ sa kpa’n,+ yɛ amun klo sa tɛ’n,+

      amun yi min sran’m be kplo’n yɛ amun yi nnɛn m’ɔ o be owie’m be wun’n.+

       3 Asa ekun’n, amun di min sran’m be nnɛn’n,+

      yɛ amun yi be kplo’n,

      amun bubu be owie’m be nun, amun fufu be nun+

      kɛ like mɔ be tɔnnin i sɛ kun* nun’n sa, kɛ nnɛn m’ɔ o like tɔnlɛ sɛ kun nun’n sa.