• Amɔsu 1:13
    Ɲanmiɛn Ndɛ’n—Mɛn Uflɛ Biblu’n

    • 13 Ndɛ nga Zoova kan’n yɛ:

      ‘“Ɲin kekle nga Amɔnfuɛ’m+ be yoli i kpɛ nsan, ɔ nin kpɛ nnan’n ti’n, be wun ajalɛ nga n fali’n n su kacimɛn i,

      afin be kpacili Galaadi lɔ bla wunnzɛfuɛ’m be ku sɛ’n nun naan bé trɛ́ be bɔbɔ be mɛn’n nun.+

  • Sofonin 2:9
    Ɲanmiɛn Ndɛ’n—Mɛn Uflɛ Biblu’n

    •  9 Ndɛ nga Zoova m’ɔ ti sonja’m be su kpɛn’n, m’ɔ ti Izraɛli Ɲanmiɛn’n ɔ kan’n yɛ: “N wo lɛ sakpa,

      “Moabu klɔ’n káci kɛ Sodɔmun+ klɔ’n sa,

      yɛ Amɔnfuɛ’m be lika’n yó kɛ Gomɔru+ klɔ’n sa.

      Lika’n káci ijre tɛ ngunmin, ɔ́ káci njin lika, yɛ ɔ́ káci aawlɛ flɛnnɛn.+

      Min sran nga be kali lɛ’n, bé fɛ́n lɔfuɛ’m be bo ninnge mun,

      yɛ min nvle’n i nunfuɛ nga be kali lɛ’n, bé dé lɔfuɛ’m be sa nun ninnge mun.