30 Ezau seli Zakɔbu kɛ: “Yaci, man min ɔ aliɛ ng’ɔ blo zoun lɛ’n* wie.* Afin m’an fɛ dan.”* I ti yɛ be tɔnnin i dunman kɛ Edɔmun’n*+ niɔn.

12 “Ndɛ nga Miɛn Zoova m’ɔ Sie Like Kwlakwla’n kan’n yɛ: ‘Edɔmun tuli i klunngbɔ Zida nvle’n nunfuɛ’m be su. Yɛ i klunngbɔ sɔ m’ɔ tuli i be su’n ti’n, ɔ yoli sa tɛ dan.+ 13 I sɔ’n ti’n, ndɛ nga Miɛn Zoova m’ɔ Sie Like Kwlakwla’n kan’n yɛ: “N kusu ń má tínngɛ min sa’n Edɔmun wun kpɛkun ń kún sran mun nin nnɛn mun, yɛ ń yó maan ɔ́ tɔ́ srolo.+ Kɛ ɔ fɛ i Teman m’ɔ́ fá jú Dedan’n, bé fá tokofi bé kún be kwlaa.+

1 Aolia nun like nga Abdiasi* wunnin i’n yɛ:

Ndɛ nga e Min Zoova m’ɔ Sie Like Kwlakwla’n kɛn i Edɔmun i lika’n yɛ:+

‘Amun jaso, maan e buabua e wun naan e nin Edɔmun e ko kun.’”+

4 “Kannzɛ Edɔmun se kɛ: ‘B’a bubu e sekeseke, sanngɛ é sá e sin yɛ é kplán lika ng’ɔ bubuli’n i uflɛ ekun’n,’ sanngɛ Zoova m’ɔ ti sonja’m be su kpɛn’n waan yoo: ‘Bé kplán, sanngɛ ń búbú i, yɛ dunman nga bé fá tɔ́n be’n, yɛle “klunwi lika,” nin “sran mɔ Zoova w’a bu be fɔ mlɔnmlɔnmlɔn’n.”+