29 Ɔ maan an sɔ i nun klanman kɛ be fa sɔ e Min’n i sran’m be nun’n sa. Yɛ maan an bu sran kɛ ngalɛ sa’m be sran titi.+ 30 Afin Klisi i junman’n* ti’n, ɔ ka kan naan w’a wu. Ɔ fɛli i nguan’n sieli i wie nuan naan ukalɛ nga amun a kwlá ukaman min’n, w’a jran amun ja nun w’a uka min.+

17 Maan sran’m be ɲin yi asɔnun kpɛnngbɛn’m be kpa,+ afin be nian asɔnun’n su kpa.+ I li be nga be tu be klun kpa be kan Ɲanmiɛn ndɛ mɔ be kle like’n+ yɛ ɔ fata kɛ be ɲin yi be kpa-ɔ.

7 Maan amun wla kpɛn be nga be kle amun atin’n,+ mɔ be kannin Ɲanmiɛn ndɛ be kleli amun’n be su. An fa amun ɲin sie be ayeliɛ’n i agualiɛ’n su, yɛ an lafi Ɲanmiɛn su kɛ be sa.+