25 Ɲanmiɛn fɛ i mannin klɔ sran mun naan be nin i bɔbɔ Ɲanmiɛn be afiɛn sɛ ekun,+ i mmoja m’ɔ guali ase’n ti.+ Ɔ yoli sɔ naan ɔ́ klé kɛ ɔ yo sa i nuan su sɛsɛ. Afin kɛ m’ɔ blu sa su’n ti’n, ɔ yacili sa tɛ nga be yoli be laa’n cɛli be.

17 I sɔ’n ti’n, sa’n kwlaa nun’n ɔ fata kɛ ɔ kaci kɛ i “niaan mun” sa.+ I liɛ’n, ɔ́ yó Ɲanmiɛn ɲrun jranfuɛ dan mɔ kɛ ɔ́ dí Ɲanmiɛn junman’n ɔ si aunnvɔɛ, yɛ ɔ di i nanwlɛ su’n, naan tɛ ng’ɔ́ yí’n ti’n,+ sran’m be nin Ɲanmiɛn be afiɛn sɛ ekun.*+

26 Sɛ ɔ ti kɛ ɔ yoli sɔ’n, nn kɛ ɔ fɛ i mɛn’n i bo bolɛ nun lele’n,* ɔ fɛli kpɛ sunman. Sanngɛ ɔ fɛli i wun kleli kpɛ kunngba cɛ. Ɔ yoli sɔ mɛn’n i awieliɛ blɛ nga nun,* naan tɛ m’ɔ fɛ i wun yili’n ti’n, sa tɛ’n wie mlɔnmlɔnmlɔn.+

2 Min mma kanngan mun, ń klɛ́ ndɛ nga mun ń blɛ́ amun naan amun a yoman sa tɛ. Sanngɛ sɛ amun nun wie yo sa tɛ’n, e le ukafuɛ* kun Siɛ’n i wun lɔ. Sran sɔ’n yɛle Zezi Klisi+ m’ɔ ti sran kpa’n.+ 2 E sa tɛ’m be ti’n,+ ɔ fɛ i wun yili tɛ naan e nin Ɲanmiɛn e afiɛn sɛ ekun.*+ Nán e ngunmin e ti tɛ yɛ ɔ yili-ɔ, sanngɛ sran’m be kwlaa be liɛ yɛ ɔ yili-ɔ.+