Jue Mun

126 Kɛ Zoova fali be nga be trali be Siɔn ɔli’n sali be sin’n,+

ɔ yoli e kɛ laliɛ nun sa.

 2 Blɛ sɔ’n nun’n, srilɛ’n yili e nuan’n piɛ,

yɛ e taaman’n kpannin aklunjɔɛ kpanlɛ.+

 3 Zoova w’a yo sa dandan mun w’a man e,+

yɛ aklunjɔɛ’n w’a kun e kpo.

 5 Be nga kɛ bé lúa like’n nn bé sún’n,

kɛ bé wá kpɛ́ like nga be luali’n, bé kpán aklunjɔɛ kpanlɛ.

 6 Sran ng’ɔ fite’n, m’ɔ fɛ i pata mɔ like ng’ɔ ko lua’n wo nun’n,

kannzɛ bɔbɔ kɛ ɔ́ kɔ́’n nn ɔ́ sún’n,

kɛ ɔ́ wá sɛ́ i sin’n, saan ɔ́ kpán aklunjɔɛ kpanlɛ,+

ɔ nin i sa nun ninnge ng’ɔ kpɛli’n be sɔlɛ mun.+