Ezipti Lɔ Tulɛ
15 Blɛ sɔ’n nun’n, Moizi nin Izraɛlifuɛ’m be toli jue ng’ɔ o yɛ’n be manmannin Zoova:+
“Maan n to jue n manman Zoova, afin w’a ɲan ɲrun dan.+
Ɔ toli nnɛn kpanngɔ’n nin i su fufuɛ’n yili be jenvie’n nun.+
2 Min wunmiɛn’n nin min tinmin’n yɛle Ya,* afin ɔ ti min defuɛ.+
Min Ɲanmiɛn’n yɛ ɔ o lɛ-ɔ, yɛ ń mɛ́nmɛ́n i.+ Min si i Ɲanmiɛn-ɔn,+ ń yí i ayɛ.+
3 Zoova ti alɛ kunfuɛ dan kun.+ I dunman’n yɛle Zoova.+
4 Ɔ toli Faraɔn i kakaklolo mun, nin i sonja mun guali be jenvie’n nun.+
Yɛ i alɛ kunfuɛ kpakpa’m be mlɔnnin Jenvie Ɔkwlɛ’n nun.+
5 Nzue m’ɔ bo’n, ɔ katali be su kplu. Yɛ be mlɔnnin jenvie’n i bo lɔ kɛ yɔbuɛ sa.+
6 Zoova, wunmiɛn ng’ɔ wo ɔ sa fama’n nun’n, ɔ ti dan.+
Zoova, ɔ sa fama’n kwla bubu ɔ kpɔfuɛ’n i nun.
7 Ɔ tinmin dan’n kwla yi be nga be jaso ɔ wun’n be ase.+
Kɛ ɔ ya’n jue kɛ sin sa’n, ɔ yra be kɛ ijre sa.
8 Aunmuan ng’ɔ fin ɔ bue’n nun fite’n, ɔ tiantian nzue’m be nuan.
Be jran diin, ɔ maan nzue’n yaci bolɛ.
Nzue m’ɔ bo’n, ɔ keteli jenvie’n i afiɛn lɔ.
9 E kpɔfuɛ’n seli kɛ: ‘Ń sú be su! Ń trá be!
Ń cɛ́cɛ́ be bo ninnge’m be nun lele min klun jɔ́!
Ń cúɛn min tokofi’n! Min sa’n tín be su!’+
10 A fitali wɔ aunmuan’n, ɔ maan jenvie’n katali be su kplu.+
Be mlɔnnin nzue sroesroe’n nun kɛ sunmun sa.
11 ?Zoova, ɲanmiɛn’m be nun onin yɛ ɔ ti kɛ wɔ sa-ɔ?+
?Wan yɛ ɔ ti kɛ wɔ mɔ a ti sanwun lele’n sa-ɔ?+
Wɔ yɛ ɔ fata kɛ be sro wɔ naan be to jue manman wɔ-ɔ. Wɔ yɛ a yo sa dandan mun-ɔn.+
12 A tinngɛli ɔ sa fama’n nun, kpɛkun asiɛ’n mɛnnin be.+
13 Ɔ sran klolɛ dan’n ti’n, a kleli ɔ nvlefuɛ mɔ a kpɔli be ti’n be atin.+
Ɔ tinmin’n ti’n, á wá fá be kɔ́ ɔ lika m’ɔ ti ɔ liɛ klonglo’n nun lɔ.
wá úsu.+
Be kwlaa nga be tran Kanaan lɔ’n, be wla
wá bó be wun.+
16 Srɛ nin akluntitiɛ kún
be kpo.+
Ɔ sa mɔ wunmiɛn o nun dan’n ti’n, bé kéte kɛ yɔbuɛ sa,
lele ɔ sran’m bé wíe sín, Zoova,
lele sran mɔ a fali be’n+ bé wíe sín.+
17 Á wá fá be bá, kpɛkun á tá be ɔ oka’n* su,+
Zoova, lika sɔ’n ɔ bɔbɔ a siesieli naan á trán nun,
Zoova, ɔ ti ɔ suwlɛ mɔ a fali ɔ sa’n siesieli-ɔ.
18 Zoova dí famiɛn tititi.+
19 Kɛ Faraɔn i nnɛn kpanngɔ mun, nin i alɛ kunlɛ kakaklolo mun, nin i nnɛn kpanngɔ su fufuɛ’m be wluli jenvie’n nun’n,+
Zoova yoli maan jenvie’n sɛli i sin katali be su,+
sanngɛ Izraɛlifuɛ’m be nantili asiɛ kee’n su, jenvie’n i afiɛn.”+
20 Kɛ ɔ yoli sɔ’n, Miriamun m’ɔ ti Ɲanmiɛn nuan ijɔfuɛ bla’n, m’ɔ ti Aarɔn i niaan bla’n, ɔ fali klɛn kun, kpɛkun bla’m be kwlaa be fali klɛn be suli i su. Kɛ bé bó’n nn bé sí. 21 Kɛ yasua’m bé tó jue’n, nn Miriamun sɔ́ su kɛ:
“Amun to jue manman Zoova, afin w’a ɲan
ɲrun dan.+
Ɔ toli nnɛn kpanngɔ nin i su fufuɛ’n yili be jenvie’n nun.”+
22 I sin’n, Moizi fali Izraɛlifuɛ mun Jenvie Ɔkwlɛ’n i wun lɛ ɔli Suu aawlɛ flɛnnɛn’n nun lɔ. Be nantili aawlɛ flɛnnɛn’n nun cɛn nsan, sanngɛ b’a ɲanman nzue. 23 Be juli Mara,*+ sanngɛ b’a kwlá nɔnman Mara nzue’n, afin ɔ yo wi. I sɔ’n ti yɛ be flɛli i Mara’n niɔn. 24 Ɔ maan sran’m be kannin Moizi i wun ndɛ.+ Be seli kɛ: “?Ngue yɛ é nɔ́n-ɔn?” 25 Ɔ kpan flɛli Zoova,+ kpɛkun Zoova kleli i waka kun. Kɛ ɔ fali waka’n yili i nzue’n nun’n, nzue’n yoli fɛ.
Lika sɔ’n nun lɛ’n, Ɲanmiɛn mannin be mmla kun naan ɔ́ jrán su dí be jɔlɛ. Yɛ lika sɔ’n nun lɛ’n, ɔ sali be niannin.+ 26 Ɔ seli kɛ: “Sɛ a tie ɔ Ɲanmiɛn Zoova i aniɛn’n naan a yo like ng’ɔ ti kpa i ɲrun’n, yɛ sɛ a nanti i ndɛ’m be su naan a fɛ i mmla’m be kwlaa be su’n,+ ɲrɛnnɛn nga n fa yili Eziptifuɛ’m be su’n, n su fa yiman ɔ su wie.+ Afin min bɔbɔ Zoova, min yɛ n yo wɔ juejue-ɔ.”+
27 Kɛ ɔ yoli sɔ’n, be juli Elimun lɛ. Nzue ti blu-nin-nɲɔn (12) nin nglesia ableso (70) be o lika sɔ’n nun. Ɔ maan be boli be nanmue nzue’n i wun lɛ.