Ɲanndra Mun

 2 ?Min wa, ngue ndɛ yɛ ń kán klé wɔ-ɔ?

?Min klun ba, ndɛ benin yɛ ń kán-ɔn?

?Min wa, wɔ mɔ n tali ɔ ti nda’n, ń sé ɔ sɛ?+

 3 Nán fa ɔ wunmiɛn’n man bla mun,+

like nga famiɛn’m be yo m’ɔ saci be’n, nán yo wie.+

 4 Lemuɛli, kɛ famiɛn’m be

o sa’n,

kɛ famiɛn’m be o sa’n, ɔ fataman kɛ be nɔn duvɛn,

ɔ fataman kɛ siefuɛ’m be usa kɛ: “?Min nzan’n wo nin?”+

 5 Kɛ ɔ ko yo naan b’a nɔnman nzan naan be wla w’a fiman mmla’n su’n,

naan b’a diman be nga be leman ɲrun’n be ndɛ kwlɛ’n ti.

 6 Be nga be su wa wu’n, man be nzan kekleekle mun,+

yɛ be nga be wla w’a bo be wun dan’n, man be duvɛn.+

 7 Maan be nɔn naan be wla fi be yalɛ’n su,

nán maan be wla kpɛn be afɛ’n su kun.

 8 Ijɔ bobo’m be nuan.

Kan be nga be su wa wu’n, be ti ndɛ.+

 9 Ijɔ naan di sran’m be jɔlɛ mun klanman.

Kan be nga be leman wie’n nin yalɛfuɛ’m be ti ndɛ.*+

10 ?Wan yɛ ɔ kwla ɲan bla kpa* kun ja-ɔ?+

Ɔ ti kpa tra korai* mun lelele.

11 I wun’n fɛ i wla guɛ i su dan,

yɛ bian’n mianman like kpakpa wie fi wun.

12 Cɛn kwlakwla’n, like ng’ɔ ti kpa’n yɛ bla’n fa lɛ i ase-ɔ,

ɔ yomɛn i tɛ le,

13 ɔ kunndɛ nnɛn ndrɛ nin lɛn lele ɔ ɲan wie.

Ɔ klo junman dilɛ kpa.+

14 Ɔ ti kɛ aata difuɛ kun i mmeli mun sa,+

ɔ kɔ mmua ko kunndɛ i aliɛ’n ba.

15 Asa ekun’n, kɛ ɔ́ jáso’n nn lika’n te lu,

ɔ mɛn i awlofuɛ’m be aliɛ,

yɛ ɔ mɛn i talua’m be like liɛ.+

16 Ɔ bu fie wie i akunndan, kpɛkun ɔ to.

I bɔbɔ i junman ng’ɔ di’n ti’n,* ɔ dili viɲin fie kun.

17 Ɔ siesie i wun naan ɔ́ kó dí junman kekle kpa,*+

yɛ ɔ fɛ i sa’n fa di junman kekle.

18 Ɔ wun kɛ ɔ ɲan like ng’ɔ yo’n i su mmlusuɛ.

I kannin’n nuanman kɔnguɛ.

19 I sa’m be biti kluwa’n,

yɛ i sa’m be le lola mma’n nun.*+

20 Ɔ fɛ i sa nun like man be nga be leman wie’n,

yɛ ɔ man yalɛfuɛ’m be like klun ufue su.+

21 Ɔ kokoman kɛ ayrɛ’n kún i awlofuɛ mun,

afin i awlofuɛ’m be kwlaa be le tralɛ be fa yo be wun yrɛyrɛ.*

22 I bɔbɔ yɛ ɔ yo i kondro mun-ɔn.

I tralɛ’m be ti lɛn nin jese ɔkwlɛ kankan ngunmin.

23 Be si i wun’n i kpa klɔ’n i anuan’m be nun,+

lɔ yɛ ɔ nin nvle’n su kpɛnngbɛn’m be tran-ɔn.

24 Ɔ kpa lɛn tralɛ,* kpɛkun ɔ yo i atɛ,

yɛ ɔ yo kplo nga be fa ci be bo’n i atɛ aata difuɛ’m be sa nun.

25 Sɛ wunmiɛn nin aɲrunɲan’n be ti tralɛ’n, nn ń sé kɛ i sɔ ninnge mun yɛ be wlɛ i wun-ɔn,

yɛ ɔ kokoman ainman

liɛ’n ti.*

26 Kɛ ɔ uke i nuan’n, ngwlɛlɛ ndɛ yɛ ɔ fite-ɔ.+

Klun ufue yolɛ i mmla’n* yɛ ɔ o i nuan-ɔn.

27 Ɔ niɛn i awlofuɛ’m be junman’n su,

yɛ ɔ bubumɛn i sa nin i ja tranman su.+

28 I mma’m be jaso, kpɛkun be se i kɛ i liɛ su ti ye.

I wun’n jaso, kpɛkun ɔ yi i ayɛ.

29 Bla nga be ti kpa’n,* be diman be yalɛ,

sanngɛ ɔ liɛ’n, ɔ kpa liɛ’n tra be ngba.

30 Klanman yolɛ’n, ɔ kwla laka sran. Yɛ sran kun i klanman’n kwla yro.*+

Sanngɛ bla ng’ɔ sro Zoova’n, i liɛ’n bé yí i ayɛ.+

31 Like ng’ɔ yo’n ti’n, amun fa like be yo i mo,*+

yɛ ninnge ng’ɔ yo be’n ti’n, maan be yi i ayɛ klɔ’n i anuan’m be nun.+