Ezai
24 Amun nian! Zoova su yi mɛn’n* i nun ninnge’m be kwlaa naan ɔ tɔ srolo,+
ɔ utu i ɲin ase, ɔ lɛngɛ i,*+ yɛ ɔ sɛnngɛn i nun sran’m be nun.+
2 I nvlefuɛ-o, i Ɲanmiɛn ɲrun jranfuɛ-o,
i junman difuɛ yasua nin i min yasua’n nin-o,
i junman difuɛ bla nin i min bla’n nin-o,
i like tofuɛ-o, i like atɛ yofuɛ-o,
sran nga be srɛ i like-o, sran ng’ɔ srɛ like-o,
sran ng’ɔ bo bosia-o, sran ng’ɔ usa bosia-o,
sa kunngba’n yɛ ɔ́ jú be kwlaa be su-ɔ.+
asiɛ m’ɔ yo like ye’n w’a yo kaan, w’a fɛ,
mɛn’n nun sran dandan mun b’a yo koklo.
6 i sɔ’n ti’n, sannzan’n su saci mɛn’n,+
kpɛkun i nunfuɛ’m be sa tɛ’n wo be ti su,
i sɔ’n ti yɛ be nga be tran mɛn’n nun’n b’a ka kaan’n niɔn.
Yɛ yasua nga be kali lɛ’n b’a sɔnman.+
9 Kɛ bé nɔ́n duvɛn’n be
toman jue,
yɛ nzan m’ɔ bo’n ɔ yo wi be nga be nɔn’n be nuan nun.
10 Klɔ m’ɔ tɔli srolo’n w’a bubu,+
b’a ɲin sua’m be anuan’m be kwlaa, ɔ maan sran fi kwlá wluman lɔ.
12 W’a ka yɔbuɛ kwle ngunmin klɔ’n nun.
B’a bubu anuan’n, w’a kaci wla kwle.+
13 Afin sa ng’ɔ́ wá jú nvle’n nun’n, mɛn’n nunfuɛ’m be afiɛn’n yɛ:
Ɔ́ wá yó kɛ kɛ be bo olivie waka mɔ i su mma’n
gua’n sa,+
ɔ́ wá yó kɛ viɲin tilɛ blɛ’n nun mɔ kɛ be ko ti viɲin’n ko wie’n, i sin’n be wlanwlan nun be titi i kunngun ng’ɔ kali’n sa.+
14 Bé wá kpán kekle kpa,
bé wá kpán aklunjɔɛ kpanlɛ.
Bé wá kán Zoova i dan m’ɔ ti’n i ndɛ.+ Bé bó i bo jenvie’n su lɔ.*
15 I sɔ’n ti yɛ bé wá mánmán Zoova lika m’ɔ kpaja’n nun* lɔ’n niɔn.+
Bé wá mánmán Zoova m’ɔ ti Izraɛli Ɲanmiɛn’n i dunman’n lika nga be o jenvie’n i afiɛn lɔ’n be nun.+
16 E ti jue tolɛ asiɛ’n i tiwa lɔ:
“Maan be manman Sa Nuan Su Sɛsɛ Yofuɛ’n!”+
Sanngɛ n seli kɛ: “N su yo koklo, n su yo koklo!
Ee, m’an wu-o! Sran bo waka kpɛfuɛ’m be kpɛ be wiengu’m be bo waka.
Sran bo waka kpɛfuɛ’m be kpɛ be wiengu’m be bo waka titi.”+
17 Wɔ mɔ a tran mɛn’n nun’n, srɛ dan m’ɔ́ wá kún wɔ’n, ɔ nin kunman mun, nin aya mun be su minndɛ wɔ.+
18 Sran ng’ɔ ti sa sroesroe’n i ngan m’ɔ wanndi’n, ɔ́ tɔ́ kunman’n nun,
yɛ sran ng’ɔ fin kunman’n nun fite’n, ɔ́ tɔ́ aya nun.+
Afin nzue dan ng’ɔ o nglo lɔ’n i anuan’m bé tíke,
kpɛkun mɛn’n i bo ase nga be wlali’n, ɔ́ kéje.
19 Mɛn’n i nun w’a kpaci buebue.
Be kejeli mɛn’n.
Mɛn’n keje kekle kpa.+
20 Mɛn’n bo nvaka kɛ sran mɔ w’a nɔn nzan w’a bo’n sa,
kpɛkun ɔ keje kɛ kuku wie mɔ kɛ aunmuan’n kpɛ́’n ɔ keje’n sa.
I sa tɛ’n tin i su dan,+
ɔ maan ɔ́ wá tɔ́, yɛ ɔ su kwlá jasoman kun.
21 Cɛn sɔ’n nun’n, nglo lɔ’n, Zoova fɛ́ i ɲin síe i sonja nga be o nglo lɔ’n be su,
ɔ nin asiɛ’n su famiɛn’m be su asiɛ’n su wa.
22 Kpɛkun bé wá tían be nuan
kɛ bisuafuɛ mɔ be tian be nuan kunman kun nun’n sa,
bé wá fá be wlɛ́ i bisua’n i klun mmua kpa lɔ.
Kɛ cɛn kpanngban ko sin’n, bé wá fá be ɲin bé síe be su.