1 Samiɛli

18 Kɛ Saili nin Davidi be wieli yalɛ koko cɛ’n, Zonatan+ nin Davidi be wa trali janvuɛ kpa.* Zonatan kloli Davidi kɛ ɔ fa klo i bɔbɔ wun’n sa.+ 2 Kɛ ɔ fɛ i cɛn sɔ’n nun’n, Saili fali Davidi naan ɔ trɛn i wun lɛ. Saili w’a mɛnmɛn i atin kɛ ɔ sɛ i sin i si i awlo lɔ.+ 3 Zonatan kusu, ɔ nin Davidi be trali janvuɛ,*+ afin ɔ kloli i kɛ ɔ fa klo i bɔbɔ wun’n sa.+ 4 Zonatan yili i tralɛ tɛnndɛn m’ɔ leman sa’n mannin Davidi. Asa ekun’n, ɔ fɛli i sonja tralɛ’n, nin i tokofi’n, nin i ta’n ɔ nin kplo ng’ɔ ci i bo’n mɛnnin i wie. 5 Davidi wa boli alɛ kunlɛ bo. Lika kwlaa nga Saili sunmɛn i kɛ ɔ ko kun alɛ’n, i yɛ ɔ kwla-ɔ.*+ Ɔ maan Saili wa sieli i sonja ng’ɔ sunman be kɛ be ko kun alɛ’n be su kpɛn.+ I sɔ’n yoli sran’m be fɛ. Ɔ yoli Saili i sufuɛ’m be bɔbɔ be fɛ wie.

6 Kɛ Davidi nin i wiengu’m be ko kun Filistifuɛ mun lele mɔ bé bá’n, bla’m be fin Izraɛli klɔ kwlaa su be fite be ko kpa Famiɛn Saili i atin. Kɛ bé kɔ́’n, be to jue,+ kpɛkun be si able. Asa ekun’n, be bo klɛn+ nin sanngo. 7 Kɛ bla’m bé sí able mɔ bé tó jue’n, be se kɛ:

8 Nanwlɛ, jue sɔ’n yoli Saili i tɛ. Ɔ maan ɔ fali ya dan kpa.+ Ɔ seli kɛ: “Be se kɛ Davidi kunnin sran akpiakpi, kpɛkun min liɛ’n, akpi yɛ be fa man min-ɔn. I famiɛn sielɛ yɛ ɔ ka siɛn’n niɔn!”+ 9 Kɛ ɔ fɛ i lɛ’n, Saili fɛli i ɲin cili Davidi titi.

10 Kɛ i aliɛ cɛnnin’n, Ɲanmiɛn yacili Saili lɛ naan wawɛ tɛ kun kle i yalɛ.+ Wafa ng’ɔ yo ninnge mun awlo’n nun siɛn’n, be wunmɛn i wlɛ.* Kɛ ɔ́ yó sɔ’n, nn Davidi o lɛ bó jru+ kɛ ng’ɔ fa yo i titi’n sa, yɛ cua kun o Saili i sa nun.+ 11 Ɔ toli i wun cua+ kpɛ nɲɔn. Afin ɔ seli i wun kɛ: ‘Ń wɔ́ Davidi i cua naan ɔ sende talɛ wun!’ Sanngɛ i kpɛ nɲɔn sɔ’n nun’n, Davidi fiteli nun. 12 I sɔ’n ti’n, Saili wa sroli Davidi kpa. Afin Zoova nunmɛn i sin kun,+ sanngɛ ɔ jin Davidi sin.+ 13 Kɛ ɔ ko yo naan Davidi w’a jaso i wun lɛ’n, ɔ fɛ i sieli sonja akpi su kpɛn. Ɔ maan kɛ bé kɔ́ alɛ kunlɛ’n, Davidi yɛ ɔ dun sonja’m be ɲrun-ɔn.*+ 14 Like kwlaa nga Davidi yo’n, ɔ yo ye i sa nun.*+ Yɛ Zoova jin i sin.+ 15 Kɛ Saili wunnin kɛ like kwlaa nga Davidi yo’n, ɔ yo ye i sa nun’n, ɔ wa sroli i kpa. 16 Sanngɛ Zidafuɛ mun nin Izraɛlifuɛ onga’m be kwlaa be klo Davidi. Afin i yɛ ɔ dun be sonja’m be ɲrun be kɔ alɛ kunlɛ-ɔ.

17 I sin’n, Saili seli Davidi kɛ: “Merabu m’ɔ ti min wa bla kpɛnngbɛn’n+ yɛ. Ń wá fɛ́ i ń mán wɔ naan a jɛ i.+ Sanngɛ, yi i nglo titi kɛ a ti yakpafuɛ min ɲrun. Yɛ kun Zoova i alɛ mun titi.”+ Saili seli i klun lɔ kɛ: ‘Min sa’n su kɛnmɛn i. Filistifuɛ mun yɛ bé wá kún i-ɔ.’+ 18 Davidi tɛli Saili i su kɛ: “Izraɛli wa’n, n timan like fi, yɛ min si i awlo’n nunfuɛ’m be timan like fi. ?Ɔ maan min olɛ nga n wo yɛ’n, n kwla kaci famiɛn’n i sia?”+ 19 Sanngɛ kɛ blɛ ng’ɔ fata kɛ be fa Saili i wa Merabu be man Davidi juli’n, bé tí-ɔ, b’a dun mmua b’a fa man Adriɛli+ m’ɔ ti Meolafuɛ’n.

20 Sanngɛ Saili i wa bla nga be flɛ i Mikali’n,+ ɔ klo Davidi. Kɛ be kan kleli Saili’n, ɔ yoli i fɛ kpa. 21 Yɛ ɔ seli kɛ: “Ń wá fá min wa bla’n ń mɛ́n i naan ń fá súɛ i aya. I liɛ’n, Filistifuɛ mun yɛ bé kún i-ɔ.”+ Ɔ maan Saili wa seli Davidi ekun kɛ: “Andɛ’n, á káci min sia.” 22 I sin’n, Saili seli i sufuɛ’m be kɛ: “Amun ko wun Davidi i wun aamiɛn naan amun se i kɛ: ‘Nian! Famiɛn’n klo ɔ sa. Yɛ i sufuɛ’m be kwlaa be klo ɔ sa kpa. Ɔ maan fɛ i wa’n naan jɛ i.’” 23 Kɛ Saili i sufuɛ’m be kɛnnin i kɛ ngalɛ’n sa kleli Davidi’n, ɔ seli kɛ: “?N bɔbɔ min yalɛfuɛ wie’n, mɔ n leman ɲrun’n, ɔ yo sɛ ti yɛ amun bu i kɛ n kwla ja famiɛn’n i wa’n niɔn?”+ 24 Saili i sufuɛ’m be ko seli i kɛ: “Ndɛ nga Davidi kannin’n yɛ ɔ o lɛ-ɔ.”

25 Yɛ Saili seli kɛ: “Amun se Davidi kɛ yoo: ‘Famiɛn’n w’a seman kɛ a man like naan w’a ja bla’n.+ Ɔ kunndɛ kɛ ɔ́ tú i klunngbɔ i kpɔfuɛ’m be su. Ɔ maan i waan a fa Filistifuɛ’m be yasua lika’n i ti kplo ya kun (100)+ blɛ i.’” Saili waan ɔ́ yó sɔ naan Filistifuɛ’m be kun Davidi. 26 Saili i sufuɛ’m be kannin ndɛ sɔ’n kleli Davidi. Yɛ famiɛn’n i wa bla’n i jalɛ’n wa yoli Davidi i fɛ.+ Kwlaa naan blɛ nga be kleli’n w’a ju’n, 27 Davidi nin i sran’m be ko kunnin Filisti yasua ya nɲɔn (200), kpɛkun ɔ fali be kwlaa be yasua lika’n i ti kplo’n blɛli famiɛn’n naan ɔ́ jɛ́ i wa bla’n. Kɛ ɔ yoli sɔ’n, Saili fɛli i wa Mikali mɛnnin i kɛ ɔ jɛ i.+ 28 Saili wunnin i wlɛ kɛ Zoova jin Davidi sin,+ naan i wa Mikali kusu klo i.+ 29 I sɔ’n ti’n, Saili wa sroli Davidi kpa ekun, kpɛkun ɔ kpɔli Davidi lele ɔ fa wuli.+

30 Filistifuɛ’m be su kpɛnngbɛn’m be fali alɛ wlali Izraɛlifuɛ’m be sin titi. Sanngɛ alɛ sɔ’n i kwlaa nun’n, Davidi kunnin sran kpanngban* trali Saili i sufuɛ onga’m be kwlaa.+ I sɔ’n ti’n, i dunman’n wa fuli kpa.+