Zɔbu
9 Zɔbu tɛli su kɛ:
2 “N si kɛ kɛ ɔ ti sɔ-ɔ.
?Sanngɛ sɛ klɔ sran nin Ɲanmiɛn be ɲan ndɛ’n, sran’n i ndɛ kwla yo fɛ?+
3 Sɛ sran kun waan ɔ nin i bé sí akplowa’n,*+
naan ɔ usa kosan akpi’n (1.000), sran’n su kwlá tɛman ba kun sa su.
5 Ɔ tu oka’m be bo sie be lika uflɛ,* sran fi siman nun.
Kɛ ɔ ko fa ya’n, ɔ kaci be guɛ i lɔ.
6 Ɔ kejekeje asiɛ’n lele ɔ jaso i tranwlɛ’n nun,
kpɛkun i ja’m be keje.+
7 Ɔ se wia’n kɛ nán maan ɔ kpaja,
yɛ ɔ kata nzraama’m be kpajalɛ’n su.+
8 I ngunmin yɛ ɔ trɛ ɲanmiɛn ng’ɔ la nglo lɔ plaii’n nun-ɔn.+
Kɛ jenvie’n man su kendengleiin’n, i su yɛ ɔ nanti-ɔ.+
9 Ɔ yi nzraama akpasua nga be flɛ be kɛ Asi,* nin Kesili,* nin Kima’n,*+
ɔ nin nzraama akpasua nga be o ɲanmiɛn’n i ngua lɔ’n.*
11 Ɔ sin min wun lɛ, sanngɛ n kwlá wunmɛn i.
Ɔ sin min ɲrun lɛ, sanngɛ n siman kɛ i-ɔ.
12 ?Kɛ ɔ tra like kun’n, wan yɛ ɔ kwla jrɛn i ɲrun-ɔn?
?Wan yɛ ɔ kwla se i kɛ: ‘Ngue yɛ a su yo-ɔ’?+
14 ?Yɛ kɛ ń tɛ́ i su’n nin?
Kɛ e nin i é sí akplowa’n, ɔ fata kɛ n bu min ndɛ’n i sin kpa naan m’an kan.
15 Sɛ min ndɛ yo fɛ bɔbɔ’n, n su tɛmɛn i su.+
Srɛlɛ yɛ ń srɛ́ min jɔlɛ difuɛ’n* kɛ ɔ si min aunnvɔɛ-ɔ.
16 ?Sɛ n kpan flɛ i’n, ɔ́ tɛ́ min su li?
N bumɛn i kɛ ɔ́ tí min nɛn’n.
17 Afin ɔ wɛtɛ min kɛ aunmuan dan wie sa,
yɛ ɔ uka min ɲrɛnnɛn’n su lelele, kusu nn m’an yoman like fi.+
18 Ɔ yaciman min diin naan m’an lo wunmiɛn.
Ɔ fa afɛ’n yi min su sa trilili.
19 Sɛ ɔ ti tinmin ndɛ’n, i yɛ ɔ le wunmiɛn-ɔn.+
Sɛ ɔ ti jɔlɛ dilɛ ndɛ’n, ɔ se kɛ: ‘?Wan yɛ ɔ kwla usa min sa-ɔ?’*
20 Kannzɛ min ndɛ yo fɛ’n, min bɔbɔ min nuan’n bú min fɔ.
21 Kannzɛ bɔbɔ n nanti seiin’n,* n siman sa ng’ɔ kwla ju min su’n.
Nguan nun tranlɛ’n w’a flan min.
22 Ngbaciɛ nunman be afiɛn. I ti yɛ n se kɛ:
‘Be nga b’a yoman sa-o,* i klunwifuɛ-o, ɔ kun be.’
23 Sɛ nzue’n di lika’n naan ɔ fu sran’m be nun ɔ kun be’n,
ɲrɛnnɛn ng’ɔ tɔ sran nga w’a yoman sa’n i su’n kle i srilɛ.
25 Siɛn’n, min cɛn’m be kɔ ndɛndɛ tra wanndifuɛ.+
Be wunman like kpa, sanngɛ be wanndi.
26 Be kɔ piaa kɛ mmeli nga be fali ndɛma yoli’n sa,
kɛ anunman ɲin mɔ be su jra nnɛn’m be su’n sa.
27 Sɛ n se kɛ: ‘Min wla fí min ngokɔɛ’n,
ń yáci min ɲrun mlanlɛ naan ń srí’n,’
28 srɛ kún min titi ɲrɛnnɛn nga n wun i’n ti,+
yɛ n si kɛ a su seman kɛ m’an yoman sa.
30 Sɛ n fa laglasi m’ɔ fin nglo lɔ gua munkɛnmunkɛn mɔ w’a klo’n n wunnzin’n,
31 á fá min jrá kunman kun nun.
Ɔ maan min tralɛ mun bɔbɔ bé kpɔ́ min.
32 Afin ɔ timan sran kɛ min sa naan se kɛ ń tɛ́ i su,
naan e nɲɔn’n y’a ɔ jɔlɛ difuɛ’m be ja su.+
35 i liɛ’n, ń kán ndɛ klé i-ɔ, srɛ su kunman min.
Afin n wunman sa nga ti yɛ srɛ kó kún min naan m’an ijɔman’n.