Zɔbu

2 “?Cɛn onin ko naan amun a yaci min klɔklɔlɛ,+

nin min awlɛn kpɛlɛ?+

 3 I kpɛ blu yɛ amún tú min fɔ* yɛ.

Amun kle min yalɛ, yɛ i sɔ’n kunman amun ɲannzuɛn.+

 4 Sɛ n yoli sa tɛ sakpasakpa’n,

ɔ ti min bɔbɔ min ndɛ.

 5 Sɛ amun waan san fii amún yó amun wun kpakpa min su’n,

naan amun se kɛ kuakualɛ nga m’an kuakua yɛ’n,

ɔ ti su’n,

 6 maan amun wun i wlɛ kɛ Ɲanmiɛn ti yɛ m’an mlin-ɔn,

i yɛ ɔ fɛli i tɛ ng’ɔ fa di koniɛn’n trali min-ɔn.

 7 Amun nian! N kpan n se kɛ: ‘B’a yo min tɛ-o!’ Sanngɛ sran fi tɛman min su.+

N kpan naan be uka min, sanngɛ sran fi deman min.+

 8 Ɔ fali yɔbuɛ kplannin talɛ kun min atin’n su, ɔ maan n kwlá sinman.

Ɔ fali aosin tritri’n katali min akpɔ’m be su.+

 9 Ɔ yoli maan m’an ɲanman ɲrun kun,

yɛ ɔ tuli famiɛn kle ng’ɔ o min ti’n.

10 Ɔ bubu min likalika’m be kwlakwla naan n wu.

Like nga min wla o su’n, ɔ tu i bo kɛ waka sa.

11 Ɔ fa min wun ya dan kpa,

yɛ ɔ bu min i kpɔfuɛ.+

12 I sonja’m be kwlaa be ba, kpɛkun be bo sin yia min,

yɛ be bo sin yia min tannin sua’n.

13 Ɔ yoli maan min bɔbɔ min niaan’m be wanndili min,

yɛ be nga be si min’n, be kacili be sin sili min.+

14 Min janvuɛ kpa’m* be wanndi ɔli,

yɛ be nga n si be kpa’n be wla w’a fi min.+

15 Aofuɛ nga be o min awlo lɛ’n,+ nin min sufuɛ bla’m be yo kɛ be siman min sa.

M’an kaci aofuɛ be ɲrun.

16 N flɛ min sufuɛ’n, sanngɛ ɔ tɛman min su.

N uke min nuan n kpɛtɛ i naan ɔ si min aunnvɔɛ.

17 Min nuan nun bɔn min yi i bue’n nun,+

yɛ min bɔbɔ min niaan’m* be waan min wun bɔn.

18 Ba kanngan mun bɔbɔ’n be yo min finfin.

Kɛ n jaso sa’n, nzowa yɛ be kpɛ min-ɔn.

19 Min janvuɛ kpa’m be kwlaa be kpɔ min,+

yɛ be nga n kloli be’n b’a kaci be sin b’a si min.+

20 Min owie’m be mantan min kplo’n nin min nnɛn ba’n,*+

ɔ ka kan naan m’an wu.*

21 Min janvuɛ mun, amun si min aunnvɔɛ, amun si min aunnvɔɛ,

afin Ɲanmiɛn bɔbɔ i sa’n yɛ ɔ kannin min-ɔn.+

22 ?Ngue ti yɛ amun kle min ɲrɛnnɛn sa trilili kɛ Ɲanmiɛn fa yo’n sa+

mɔ amun jin min su sa trilili-ɔ?*+

23 ?Sɛ ɔ ti kɛ be klɛli min ndɛ’n nin?

?Sɛ ɔ ti kɛ be kwla klɛ i fluwa kun nun’n nin?

24 Ɔo! ?Sɛ ɔ ti kɛ be fali blalɛ nin sumun

be klɛli i yɔbuɛ kun su naan ɔ ka lɛ tititi’n nin?

25 Afin n si kpa kɛ min defuɛ’n*+ i ɲin o su.

Cɛn wie lele’n ɔ́ bá, kpɛkun ɔ́ jáso jrán asiɛ’n su.*

26 Kɛ min wunnɛn kplo’n ko saci mlɔnmlɔn’n,

mɔ min wunnɛn ba’n te o min wun’n, ń wún Ɲanmiɛn.

27 N bɔbɔ ń wún i,

min ɲinma’n gúɛ i wun, nán sran uflɛ ɲinma-ɔ.+

Sanngɛ min klun lɔ’n, n wunman min wun fɛ kaan sa.

28 Afin amun se kɛ: ‘?Wafa sɛ yɛ e kle i yalɛ-ɔ?’+

Afin ndɛ’n fin min bɔbɔ.

29 Amun bɔbɔ amun liɛ ti’n amun sro tokofi’n,+

afin tokofi’n yɛ ɔ fa

ɲrɛnnɛn’n yi sa tɛ

yofuɛ’n i su-ɔ.

Maan amun wun i wlɛ kɛ jɔlɛ difuɛ kun o lɛ.”+