1 Be Ɲoliɛ

20 Kɛ afuɛ uflɛ boli i bo’n,* mɔ blɛ nga famiɛn’m be kɔ alɛ kunlɛ’n juli’n, Zoabu+ fali sonja’m be ko sacili Amɔnfuɛ’m be mɛn’n sekeseke. Asa ekun’n, ɔ nin i sonja’m be kpɛ sin yiali Raba+ klɔ’n. Sanngɛ Davidi bɔbɔ kali Zerizalɛmun+ lɛ. Zoabu fali alɛ wlali Rabafuɛ’m be sin, kpɛkun ɔ nunnunnin be klɔ’n.+ 2 Kpɛkun Davidi fali famiɛn kle ng’ɔ o Malkamun i ti’n. Ɔ wunnin kɛ kle sɔ’n i nɔnnin’n ti sika ɔkwlɛ talan kun.* Yɛ yɔbuɛ kpakpa’m be tata kle sɔ’n su. Be fali kle’n wlali Davidi i ti. Asa ekun’n, ɔ fali klɔ’n nun ninnge kpanngban kpa ɔli.+ 3 Yɛ ɔ trali lɔfuɛ mun ɔli naan be di junman kɛ kanga sa.+ Wie’m be sɛli yɔbuɛ, wie’m be fali ninnge wie mɔ blalɛ yɛ be fa yoli m’ɔ la kpa’n, ɔ nin kpɛliɛ be dili junman. Sa nga Davidi yoli i Amɔnfuɛ’m be klɔ’m be kwlaa su’n yɛ ɔ o lɛ-ɔ. I sin’n, Davidi nin i sonja’m be ngba be sali be sin Zerizalɛmun.

4 I sin’n, be nin Filistifuɛ’m be kunnin alɛ Gezɛɛ lɔ. Alɛ sɔ’n nun’n, Sibekai+ m’ɔ ti Isafuɛ’n ɔ kunnin Sipai. Bian sɔ’n ti Refafuɛ’m+ be osu’n nunfuɛ. Yɛ be kwlali Filistifuɛ mun.

5 Izraɛlifuɛ mun nin Filistifuɛ’m be wa kunnin alɛ ekun. Blɛ sɔ’n nun’n, Zairi i wa Ɛlanan kunnin Goliati+ m’ɔ ti Gatifuɛ’n i niaan bian Lamin. Lamin sɔ’n i cua’n i waka’n ti dan kɛ tannin wufuɛ’m be kondo’n sa.+

6 Be wa kunnin alɛ ekun Gati+ lɔ. Kɛ ɔ́ yó sɔ’n, nn bian kun o lɛ’n, ɔ ti kpandangblanwun kpa.+ I sa mma mun nin i ja mma’m be ti nsiɛnnsiɛn, ɔ maan i kwlaa ti ablaɔn-nin-nnan (24). Ɔ ti Refafuɛ’m+ be osu’n nunfuɛ wie. 7 Bian sɔ’n klɔklɔli+ Izraɛlifuɛ mun lelele. I sɔ’n ti’n, Davidi i niaan bian Simea+ i wa Zonatan wa kunnin i.

8 Sran sɔ’m be ti Refafuɛ’m+ be osu’n nunfuɛ, yɛ be fin Gati.+ Davidi nin i sran’m be kunnin be.